Мажи кои чистат, готват и се „фантазија на секоја жена“ – календар од 80-тите стана хит на Твитер (фото)

Детали

среда, 05 јануари 2022

Во 1988 година, една жена и нејзините сестри направиле забавен календар со фотки од згодни мажи кои завршуваат разни домашни обврски. Календарот е насловен „Фантазијата на секоја жена“ и сега, три децении подоцна, стана хит на Твитер.

Корисник на Твитер сподели календар што го направила неговата мајка заедно со нејзините сестри уште во 1980-тите, но кој дефинитивно ќе им се допадне и на модерните жени.

Календарот е насловен „Фантазијата на секоја жена“ и го сочинуваат фотографии од мажи кои завршуваат разни обврски низ домот – од чистење на тоалетната школка, до сортирање на испраните чорапи.

На првата страница, има и забавен опис за фотките во календарот:

„Вистински мажи прават работи што вистинските жени посакуваат да ги прават…“

Нормално, календарот брзо стана хит на Твитер, па објавата на корисникот досега е споделена над 15.000 пати, а има повеќе од 60.000 допаѓања.

„Во 1988 година мама и нејзините сестри направија календар што го крстија 'Фантазијата на секоја жена' и сигурно сакате да ги видите фотографиите“.

https://twitter.com/fabiansociety/status/1475721124365287427

Корисникот објаснува дека дел од моделите на фотографиите ги нашле случајно во парк, а потоа ги замолиле да позираат како извршуваат домашни обврски кои обично се товар на жените. Исто така, биле ангажирани и неколку професионални модели.

Тој открива и дека мајка му и нејзините сестри го раздавале календарот бесплатно и иако можеби тогаш не бил популарен, сега, 30-тина години подоцна, нивниот проект е вистински хит.

Останатите фотографии од календарот:

• 
• 
• 
• 
• 
• 
• 
• 
• 
• 
•  

Спирова С. | Црнобело