15 години за чевларот на Буш

Детали

недела, 08 февруари 2009

Ирачкиот новинар кој со чевел го гаѓаше поранешниот претседател на САД Џорџ Буш го чека судење на 19ти февруари под обвинение дека нападнал ...

 

... државник на друга држава.

Мунтадар Ал-Зеиди е во затвор откако на 14ти декември со својот чевел го гаѓаше Буш на заедничката конференција за печатот со ирачкиот премиер Нури Ал-Малики.

Судењето всушност требало да започне во декември, но неговите адвокатите успеале да издејствуваат одложување со барањето обвинението да се намали на навреда на странски државник.

Но, сепак обвинението ќе остане за напад на странски државник и ќе се одржи на 19ти февруари.

Портпаролот на правосудните власти не сака да шпекулира за колкава казна станува збор, додека пак одбраната смета дека Ал-Зеиди може да добие казна и до 15 години.

Семејството на новинарот тврди дека тој бил тепан и малтретиран во притвор.

Еден од неговите браќа кои скоро го посетиле во затворот тврди дека тој сега е во подобра здравствена состојба и дека раните му заздравиле.