Сам платил $7 милиони за шоуто – спектакуларниот настап на The Weeknd на Super Bowl + реакциите на твитерџиите

Детали

понеделник, 08 февруари 2021

И годинава се одржа познатиот американски спортски настан Super Bowl, а поради пандемијата, поголемиот дел од стадионот беше исполнет со „публика“ од картонски исечоци. За полувремето, пак, настапи познатиот пејач The Weeknd кој им приреди незаборавно шоу на гледачите.

Во неделата, 7-ми февруари, се одржа најголемиот американски спортски настан – Super Bowl – а на полувремето настапи The Weeknd.

Познатиот музичар, чие вистинско име е Абел Тесфаје, се погрижил ова да биде еден од најспектакуларните настапи на полувремето на Super Bowl, a за неговото шоу, самиот инвестирал дури 7 милиони долари.

Облечен во црни панталони и кошула, во комбинација со црвено светкаво сако, The Weeknd се појави на сцената во кабриолет автомобил, го почна настапот со хитот Starboy, а веднаш потоа ја изведе The Hills.

.@TheWeeknd kicks off the #PepsiHalftime show with Starboy! #SBLV https://t.co/DFAi1LNtNl

— NFL (@NFL) February 8, 2021

Подоцна му се придружија и танчари со маски, облечени исто како него, а за изведбата на Blinding Lights, почнаа да играат и теренот.

BLINDING LIGHTS 🙌 @TheWeeknd #PepsiHalftime #SBLV https://t.co/Qv9yyW8wED

— NFL (@NFL) February 8, 2021

Целиот настап на The Weeknd беше придружен со огномети, неверојатни светлосни ефекти и забавни проекции, а сцената наликуваше на ретро музички спот. Пејачот го заврши настапот со Blinding Lights, a дотогаш, сите гледачи кои го следеа натпреварот во живо веќе беа станати на нозе.

Публиката на натпреварот ја сочинуваа 7.500 вакцинирани здравствени работници и околу 22.000 фанови, а за да се пополнат празните столчиња, организаторите ставиле околу 30.000 картонски исечоци.

Бидејќи исечоците премногу наликуваат на луѓе, на почетокот од натпреварот многу луѓе реагираа на Твитер за „преполниот стадион“ и прекршувањево на мерките.

Сепак, набрзо сите сфатија дека публиката ја сочинуваат многу мал број „вистински“ луѓе. Односно, ова е најмалата публика што е забележана во стадионот.

Како што кажавме, натпреварот во живо го гледаа само 22.000 фанови, а 7.500 влезници им беа доделени на вакцинирани здравствени работници во знак на благодарност.

Во публиката имаше и уште 3.000 спортисти и луѓе кои биле дел од организацијата на целиот настан.

Инаку, на стадионот има место за публика од 65.890 гледачи.

Кратко пред настапот на полувремето, The Weeknd сподели дека било вистински предизвик да се организира шоуто.

„Поради пандемијата и безбедноста на играчите и вработените, направивме сцена во стадионот, а го користевме и теренот“, изјави тој.

Целиот настап го организирале во само шест месеци, преку многу мејлови и Zoom повици. Пејачот бил свесен дека фановите ќе следат пренос од настапот, па најважно му било шоуто да изгледа добро и на телевизија.

Очигледно, пејачот одлично си ја заврши работата, а тоа го докажуваат и бројните реакции на Твитер:

„Ова беше неверојатно полувреме и морам да излезам во дискотека и да танцувам на песните на The Weekend секоја вечер во текот на 2022-ра. Мислам, тоа беше брилијантно“.

„Ова полувреме на Super Bowl ми ја разгоре желбата повторно да одам на концерти“.

Се разбира, ништо не поминува без шегите на твитерџиите. Многумина на шега го споредија пејачот со Џеј Ло, а некои веќе направија мемиња од настапот.

„Не сакам да судам, но ако не носи бикини со светки и не танцува на огромна шипка, дали воопшто настапувал на полувремето?“

„Јас кога ќе ја изгубев мама во супермаркет кога имав 10 години“

me losing my mom in the supermarket when i was 10#SuperBowl #SuperBowlWeeknd https://t.co/4vFMt4rJkw

— 𝚛𝚊𝚌𝚑𝚎𝚕 ☾ (@rachellm23) February 8, 2021

„Никој:

Танчарите на The Weeknd: “

Nobody:

The Weeknd’s background dancers: pic.twitter.com/QV9GoPc3OG

— LRV🥀🖤 (@_xlrv_) February 8, 2021

„Сладок е, но …“

He cute but... pic.twitter.com/e33Sh8ypvx

— Elizabeth Banks ❄️ (@ElizabethBanks) February 8, 2021

Целиот настап можете да го погледнете во продолжение:

Минатата година, Шакира и Џенифер Лопез станаа првите изведувачи со латинско-американско потекло кои настапувале на полувремето.

Претходно, во 2019-та, настапуваше групата Maroon 5, а во 2018-та публиката ја забавуваше Џастин Тимберлејк.

Погледнете и Кога ќе се сетите дека Џеј Ло има 50 години – шокираните реакции по настапот на шипка на SuperBowl

Спирова С. | Црнобело