Исланд е прва земја од Европа која ќе прима туристи од целиот свет

Детали

понеделник, 18 мај 2020

Исланд ќе ги отвори границите за туристи од целиот свет. До 15-ти јуни се очекува секој да може да влезе во „ледената земја“.

Локалните власти најавија победа над корона вирусот. Епидемиолошката ситуација е под контрола, а сите кои ќе пристигнат во земјата ќе бидат тестирани на ковид-19.

Планирано е тестот и анализата да се прават на аеродромот, а резултатите ќе бидат познати истиот ден.

Од 15-ти мај веќе е дозволен влезот на научници и филмски екипи кои работат на различни проекти кои прво ќе мора да бидат 15 дена во карантин.

Туризмот е клучен за островот, затоа властите се одлучија на чекор - отворање на границите. Политичарите се сигурни дека вирусот нема да исчезне засекогаш така што ќе мора да научиме да живееме со оваа состојба.

Доколку и вие се решите да отпатувате на Исланд штом ги отворат границите - посетете ги овие прекрасни водопади.

Е. П. | Црнобело