„Страница која чека да биде испишана“ - Vogue Italia за првпат во историјата со празна насловна
- Детали
- четврток, 09 април 2020
Белата боја не е предавање, туку бела страница која чека да биде испишана, насловна страница за нова приказна која тек ќе започне – Vogue Italia за првпат во историјата со празна насловна во чест на моменталната состојба.
Состојбата со корона вирусот најмногу ја погоди Италија од сите европски земји, а тие уште се справуваат тешко со тоа, но Италијанците не го губат духот и храбро се борат до крај поддржувајќи се едни со други.
Во вторникот, на Инстаграм профилот на Vogue Italia, беше објавено дека априлското издание ќе има целосно бела насловна страница, за првпат во историјата, а со тоа сакаат да симболизираат почит, одново раѓање и бела страница која чека да биде испишана кога земјата ќе се опорави.
Во описот на фотографијата стои објава на главниот уредник на Vogue Italia, Емануел Фарнети:
„Во својата долга историја која се протега преку сто години, Vogue се соочи со војни, кризи и терористички акти.
Пред помалку од две недели, сакавме да го испринтаме изданието кое го планиравме веќе некој период, вклучувајќи го и L’UOMO Vogue во заеднички проект. Но, да зборуваме за било што друго – додека луѓе умираат, докторите и медицинските сестри си ги ризикуваат животите и светот се менува засекогаш – тоа едноставно не е во ДНК-то на Vogue Italia.
Соодветно на тоа, го запревме нашиот проект и почнавме од почеток. Одлуката да испринтаме комплетно бела насловна страница за првпат во нашата историја, не е затоа што нема доволно фотогравии – напротив. Се одлучивме за тоа бидејќи белата означува многу работи истовремено.
Белата пред сѐ е за почит, белата е за одново раѓање - светлина по темнината, белата е боја на униформите кои ги носат оние кои си го ставаат животот во првите борбени редови за да ги спасат нашите.
Белата претставува простор и време за размислување, како и за да се остане тивок.
Белата е за оние кои го исполнуваат ова празно време и простор со идеи, мисли, приказни, стихови, музика и грижа за други.
И најважно – белата не е предавање, туку празна страница која чека да биде испишана, насловна страница на нова приказна која туку што ќе почне.“
М. М. | Црнобело
Би можело да ве интересира:
Препорачуваме
Најчитани неделава
