Принцот Вилијам сака повторно да биде амбулантен пилот за да помогне против корона вирусот

Детали

вторник, 31 март 2020

До 2017, принцот беше пилот на воздушната амбуланта, а сега изјавил дека му недостасува тоа бидејќи сака да помогне во борбата против корона вирусот во земјата.

37-годишниот Вилијам неодамна бил во посета на кол центарот на Националниот здравствен систем, а според изворите, наводно војводата сакал повторно да се врати на должност.

Принцот до 2017-та беше дел од воздушната итна помош, па веројатно годините поминати таму го предизвикале да посака повторно дa ѝ помогне на неговата земја со свој личен придонес.

„Тој знае дека цела земја прави по нешто за да помогне. Но малку е комплицирано да се врати, бидејќи ја напушти работата за да може да стане сениор кралски член. Таа улога за него е сега уште поважна кога принцот Чарлс е болeн, а Хари и Ендру се далеку од извршување на кралски должности и јавен живот. Но Вилијам е многу упорен да направи нешто за да помогне.“ – стои во изјавата за The Sun.

Сепак, според последните известувања, принцот Чарлс наводно се излечил од корона вирусот и е подготвен да се врати на своите должности наскоро.

М. М. | Црнобело