Сопругата на канадскиот премиер Џастин Трудо позитивна на корона вирусот

Детали

петок, 13 март 2020

Семејството на канадскиот премиер Џастин Трудо е во само-изолација, а резултатите од тестирањето покажаа дека неговата сопруга Софи е заразена со корона вирус. 

Одлуката за само-изолација е донесена откако се вратиле од посетата на Велика Британија и почувствувале симптоми на грип.

„Иако поминувам низ непријатни симптоми на вирусот, наскоро повторно ќе застанам на нозе. Во изолација сум во својот дом и тоа не е ништо во споредба со она низ што поминуваат другите семејства во Канада кои можеби имаат и поголеми медицински проблеми“ – напоменала Софи во соопштението за јавноста.

Според последните информации, нејзиниот сопруг, премиерот на Канада е здрав и нема никакви симптоми, но и тој ќе биде изолиран во следните две недели.

На Твитер тој напиша:

„Добро сум и немам симптоми на вирусот, но ќе ги следам сите совети на нашиот доктор и ќе бидам во само-изолација за сега. Ќе продолжам да работам од дома и ќе одржувам состаноци преку видео повици“.

I have some additional news to share this evening. Unfortunately, the results of Sophie’s COVID-19 test are positive. Therefore, she will be in quarantine for the time being. Her symptoms remain mild and she is taking care of herself and following the advice of our doctor.

— Justin Trudeau (@JustinTrudeau) March 13, 2020

Доколку и вие сте во ризичната група, или сте биле на патување во некои од критичните земји, следете ги советите за само-изолација на нашето Министерство за здравство.

Е. П. | Црнобело