„Медена земја“ и официјално со две номинации за Оскар!

Детали

понеделник, 13 јануари 2020

И конечно се објавени номинациите за Оскари. „Медена земја“ е номиниран за „Оскар“, и тоа во две категории! 

„Медена Земја“ влезе во трката за најпрестижната филмска награда со номинации во две категории - за најдобар документарен филм и најдобар интернационален филм!

На официјалната Фејсбук страна на Honeyland ја објавија веста со гиф и следната изјава:

МЕДЕНА ЗЕМЈА Е НОМИНИРАН ЗА ОСКАР ВО ДВЕ КАТЕГОРИИ!

Пред сѐ, би сакале да се заблагодариме на членовите на Американската Академија (AMPAS) за тоа што го вклучи „Медена Земја“ во трката за најпрестижната филмска награда на светот.

Преку жената која случајно ја сретнавме, пред светот се отвори приказна - алегорија на една глобална слика каде хуманото и натуралното се борат да преживеат.

Атиџе и пчелите се прототип за новиот генетски материјал, кој треба да победи во битката на титаните, каде природата се бори со деструктивното.

Среќни сме дека светските критичари и членовите на Академијата го препознаа крикот на планетата, кој ечи меѓу фрејмовите во филмот. Ја открија големината на човекот, преку големината на единката. Се разнишаа убедувањата дека радоста се крие во поседувањето.

Ова е прв пат во историјата на Оскарите документарен филм да е номиниран во две категории, што значи дека ова не е само успех со историски размери, туку истово потврдува дека документарниот јазик влегува во ерата на негово вистинско вреднување, каде стои рамо до рамо со фикционалната нарација, а заради својата реалност заслужува посебна опсервација. Провоцира искрено сочувство, кое не се заборава после гледањето на филмот.

Големо е достигнувањето на филмот. Големи се фестивалите, кои го слават и величаат. Но уште поголема треба да биде промената на која се надеваме. Таа промена тргнува од секој од нас поединечно.

Филмот повикува на скромност, а кога ја гледаме љубовта во очите на гледачите, силно веруваме дека пораката е препознаена и дека скромноста е новото време низ кое со радост ќе зачекориме.

Уште еднаш, бескрајна благодарност до членовите на Акедемијата што филмот го нарекоа - МАТЕРИЈАЛ ЗАСЛУЖЕН ЗА ОСКАР.

Тимот на Медена Земја

https://www.facebook.com/honeyland.earth/videos/576557436234477/?__xts__[0]=68.ARAMpAKN94AOMaraYKWRPtjq8BLWFHiBvH7sj7G5gsplNejhc0MNjheRR1kzpBxbkB4m04nLIi7SJ9VtRUYExAjGlbM4rhvpV2cWGU2k0DI5uyNub-Nf6cP-QEJ1dNQVLGEotTt2OJsNGi2yV0urGK7IBwOqYcmyFBbU8Cv0WmUH0llxpTp3ZKpgpkoCcxWBww7LAFg2GFLVs5VNSlqmorEjhgnLKfyU4PMJ_zcGufR8Mrr-dV1rCq_QdvCX4W1sPYrffi9rqsMNdLGQMKEhtn_a7kldvv0euL1tyOKEweUz7Bmy45xeAe8cK2ehG86iigo9L_f68aTECVzCFG6ZsucflCDRBgOnUYNC2WDfaY2DNas2qH_F0OQ&__tn__=-R

Покрај „Медена Земја“, номинирани во категоријата за најдобар документарен филм се:

А, во категоријата за најдобар интернационален филм:

Кинематографот Самир Љума сподели видео од моментот кога беа објавени номинациите:

https://www.facebook.com/samir.ljuma/videos/10157582592450520/

Церемонијата на 92. издание на Оскарите ќе се одржи на 9 февруари 2020 година во Холивуд – и дефинитивно ќе нè остави будни таа ноќ!

Во меѓувреме документарецот повторно се прикажува во скопските кина: од 9 јануари е на репертоарот на „Милениум“, од 13 јануари во „Кинотека“, а од 16 јануари во „Синеплекс“.

Не пропуштајте да го погледнете филмот со кој навистина треба да се гордее цела Македонија!

Е. П. | Црнобело