Девојка со Даунов синдром стана заштитно лице на козметички бренд

Детали

петок, 11 јануари 2019

„Не дозволувам Дауновиот синдром да ме дефинира. Јас сум Кејт!“, вели инспиративната девојка од Ирска.

Кејт Грант (20) е девојка со Даунов синдром од Ирска, која е вистинска инспирација. Таа се појавува на модните писти, има добиено титула за убавина, гостува во ТВ емисии, а од неодамна стана и заштитно лице на брендот за козметика „Benefit cosmetics“.

Таа го поплочува патот и за многу други луѓе со Даунов синдром и со својата волја ги менува работите. Кејт го користи својот глас за сите што немаат сила да го сторат тоа.

Зрачи со оптимизам, а нејзината мајка секогаш е со неа за да ѝ даде поддршка. Таа е млада и смета дека само небото е граница, без разлика на пречките со кои се соочува.

Кејт порачува дека Дауновиот синдром не ја дефинира неа и вели „Јас сум Кејт“.

Запознајте ја оваа инспиративна девојка:

Прочитајте и Вработен во McDonald's со Даунов синдром се пензионира по 32 години работа!

С. С. | Црнобело