Ден на горки спомени во САД

Детали

петок, 11 септември 2009

Барак Обама го замени Џорџ Буш. Нова администрација и нови идејни промени го променија и начинот на гледање на денот кога Бин Ладен ги сруши САД на...

 

...коленици.

Кобното утро 11 септември 2001 година, крвавиот терористички напад на ал-Каеда одзема повеќе од 3.000 животи на невини луѓе. За момент беше срушена американската гордост.

Буш започна војна против терористите, со што бројот на жртви се зголеми. Дел сметаа дека тоа е мала жртва за да се оствари голема цел - светски мир, а останатите на другиот “фронт“ на чело со Осама Бин Ладен сметаа дека тоа е само оправдување за освојување на територија богата со нафта.

Ваквата политика беше прекината. На власт дојде Барак Обама и започна времето на промени. Целиот свет го дочека со раширени раце, со очи полни надеж.

Сепак, кога ќе се увиди целокупната ситуација, администрацијата на Обама не го направи она што беше очекувано.

Новото несогласување на голем број Американци со политиката на Обама предизвика и промена во начинот на прославување на денот на терористичките напади врз САД.

Така, оваа година граѓаните на место на традиционален собир на комеморација, ќе биде спроведена заедничка акција на чистење на околината и садење дрва, од што се згрозиле семејствата на настраданите, кои сметаат дека така се смалува важноста на тој ден.

Жителите на Њујорк четири пати со по минута молк ќе го обележат денот на нападот - еднаш за авионите кои удрија во Светскиот трговски центар и по еднаш за падот на секоја кула.