Кои мажи се најнасилни?

Детали

понеделник, 22 јуни 2009

Според истражување на Medical Research foundation, еден од четири мажи во Јужноафриканската Република признал дека силувал некого.

Скоро половина од оние што го признале злоделото кажале дека нападнале повеќе од една личност. 73% кажале дека нападот го извршиле пред да наполнат 20 години.

Професорката Rachel Jewkes која го водела истражувањето претпоставува дека високата стапка на силување во оваа држава се должи на долговековното учење на машките деца дека мора да бидат јаки силеџии кои треба да користат сила за да доминираат и да воспостават контрола над жените, како и над други мажи.

Оваа студија покажа дека насилните мажи кои злоставуваат жени не користат заштита и имат два пати погелем ризик од ХИВ заболувања.

Во студијата учествувале 1 738 испитаници на кои им била загарантирана анонимност.

Овие бројки се застрашувачки, па се надеваме дека законите насекаде во светот, вклучувајќи ја и Македонија, ќе станат драстично поостри за сексуалните престапници.