Титовата плата

Детали

сабота, 20 јуни 2009

Првиот ден од месецот тајната служба на тофашната СФР Југославија има ист ритуал. На Белградската адреса Ужичка бр.15 секогаш носеле две бакарни...

...кутии со големина 50x30 cm. Тоа била специјална пратка од печатницата за пари на Југославија. Станувало збор за платата на вечниот претседател на Југославија Јосип Броз.

Според достапните податоци последната плата на Тито изнесувала 4,5 милиони динари или во однос на тогашната вредност - 280.000 марки.

Белградска политика открива дека тоа била одлука на кадровската комисија на Претседателството на СФРЈ за висината на платата која ја добивал тито од ослободувањето на земјата во 1945 година.

Таа одлука секако била службена тајна. Денеска пак се поставува прашањето каде завршиле сите тие пари на Маршалот.

Наводно тие пари и биле давани на Јованка, која дури во 1985 година ќе се избори за месечен надоместок од 1.352 марки.

Дел од парите оделе за синот Жарко и ќерката Златица, а се претпоставува дека најголемиот дел од парите Тито ги задржувал за себе.