Nokia и Sony Ericsson во криза?

Детали

вторник, 21 април 2009

Големите производители на мобилни телефорни ги објавија извештаите кои покажуваат голем пад на продажбата во однос на минатата година. Sony Ericsson...

 

 

објави дека во првиот квартал на 2009 година забележале 35% пад на продажбата што резултирало со загуба од 358 милиони евра.

Последицата од таквите резултати ќе биде отпуштење на дополнителни 2000 работници. Раководството на Sony Ericsson го заврши првиот процес на реструктуирање со намалување на трошоците и ќе започне со новата фаза која треба да биде завршена до средината на 2010 година, а потоа се очекува враќање на приходите на копанијата во “зелено“.

Nokia исто така забележува пад на продажбата во првиот квартал на оваа година. Телефоните на финскиот производител во почетокот на оваа година се продавале за 27% помалку од минатата година.

Најголем пад на продажбата била во Латинска Америка за 45%, Северна Америка купила за 31% помалку Нокии, а најмалку драматично било во Европа (13% помалку) и Кина (15% помалку).

Остварените приходи паднале на 122 милиони евра, што не и причинило загуба на Нокиа, но сепак заработката е далеку помала од 1,2 милијарда евра во истиот период минатата година.

Во Нокиа велат дека првиот квартал на 2009 година го предвиделе како најлош во оваа криза и дека се очекува подобрување во иднина.