Обама дели бакнежи на самитот

Детали

недела, 05 април 2009

Американскиот претседател Обама се согласил да бакне една обожавателка, но дури по интервенцијата на францускиот претседател Саркози. Ова се...

 

...случило на самитот на НАТО во Стразбур, кога тој се поздравувал со група на обожаватели кои му посакувале добредојде.
Кога Обама и неговата сопруга Мишел ѝ пришле на толпата луѓе за да се поздрават со нив, една студентка го запрашала Обама дали може да добие бакнеж.

На тоа Обама покажал кон обезбедувањето кое будно ја надгледувало целата ситуација, укажувајќи дека мора да се запазат безбедносните процедури.

Тогаш, во целата приказна се вклучил и францускиот претседател Саркози кој му довикнал: “Што, зарем нема да ја бакнеш?”

На тоа, немајќи друга опција, Обама срамежливо ја бакнал младата студентка во образот.

Очигледно дека американскиот претседател се осетил непријатно кога станува збор за овој општ обичај во земјите на западна Европа, луѓето кои дури не се познаваат да се бакнат во образ кога ќе се сретнат.

Најверојатно поради тоа, на средбата со сопругата на Саркози, Карла Бруни, тој избегнал било какви бакнежи туку едноставно се ракувал со нејзе.
Но, тоа не го спречило Саркози топло да ја пречека Мишел Обама со 2 сочни бакнежи на секој образ.

Интересно е да се биде на самит на НАТО, изгледа дека не е сè политика.