Апокалиптични сцени од поплавите во Шпанија: Валенсија под вода, луѓе се спасуваат со хеликоптери

Детали

среда, 30 октомври 2024

Поради обилни врнежи, делови од Шпанија се под вода - на застрашувачките видеа и фотки споделени на Твитер се гледаат луѓе заробени во нивните домови и автомобили, но и улици претворени во реки.

Во вторникот (29.10), делови на југот и истокот на Шпанија беа погодени од обилни врнежи кои резултираа со поплави.

Едно од најпогодените места е градот Валенсија, каде што, како што пренесува CNN, улиците биле претворени во реки, а водата измешана со кал носела автомобили, но и направила сериозна штета на многу градби.

Утрово (30.10), шпанските власти известија дека биле најдени и мртви тела.

Според Sky News, во поплавените делови од земјата има најмалку 13 мртви, вклучувајќи и деца, додека најмалку шест лица се водат за исчезнати.

Само во гратчето Летур, над 30 луѓе останале заробени откако водата од реката прелила од коритото, а некои се држеле и за дрвја за да се спасат.

Властите испратиле хеликоптери за да можат да ги евакуираат заробените граѓани.

Според прогнозите, врнежливото време во Шпанија се очекува да продолжи и утре.

Експертите, пак, истакнуваат дека ваквите екстремни временски услови веројатно се поради климатските промени предизвикани од луѓето.

Метеоролозите веруваат дека зголемувањето на просечната температура на Медитеранот предизвикува поголемо испарување на водата, што, пак, води до пообилни дождови како овој во Шпанија.

На Твитер се споделуваат фотографии и видеа од катастрофата во Шпанија, на кои се гледа размерот на поплавите.

Дел од објавите во продолжение:

Продолжува на следната страница...