Пепел по улиците и дворовите на Сицилија, откажани летови - Фотки и видеа од ерупцијата на Етна

Детали

вторник, 06 август 2024

Летово вулканот Етна еруптира неколкупати, а по последната ерупција, локалците почнаа да споделуваат фотки и видеа од нивните дворови кои се покриени со пепел. Етна е речиси постојано активен, но и покрај тоа, скоро никогаш не предизвикува штета.

Во неделата (04.08) во Италија била забележана активност на вулканот Етна, по што следела и ерупција.

Највисокиот вулкан во Европа, кој важи и за еден од најактивните во светот, претходно еруптира во јули, а како тогаш, и овој пат предизвика (мал) хаос поради чадот и пепелта.

Ерупциите на Етна не се реткост и, за среќа, скоро никогаш нема жртви.

Но сепак, густиот чад што излегува од вулканот, заедно со пепелта, ја намалија видливоста, па летови од аеродромот во близина беа одложени.

Експертите забележале зголемена активност на вулканот ова лето, а од јули неколкупати исфрлал лава и пепел.

Летовите на аеродромот, пак, неколкупати беа одложувани поради ова.

Од ерупцијата не е предизвикана штета, но на некои места бил закочен и сообраќајот поради лава.

Како што веќе спомнавме, иако Етна е речиси постојано активен, смртните случаи се вистинска реткост.

Единствено во 1980-тите, двајца туристи загинаа откако вулканот ненадејно еруптирал додека тие биле во близина на врвот.

На Твитер веќе се споделуваат фотки и видеа од ерупцијата, а на дел од нив се гледа дека околните улици и дворови се прекриени со дебел слој пепел.

Дел од објавите во продолжение:

Спирова С. | Црнобело