Сите петмина туристи се прогласени за мртви - Подморницата „Титан“ најверојатно се распаднала на 500 метри од „Титаник“

Детали

четврток, 22 јуни 2023

Со помош на далечински управувано возило на дното на Северноатланскиот Океан биле најдени остатоците на малата подморница „Титан“, во непосредна близина на потонатиот брод  „Титаник“ со што и официјално беше ставен крај на потрагата по преживеани.

Генералниот директор на компанијата OceanGate, Стоктон Раш, нуркачот Пол Анри Наржоле, британскиот милијардер Хамиш Хардинг и пакистанскиот милијардер Шахзада Давуд и неговиот син Сулејман се прогласени за мртви.

„Веднаш по ова откритие ги известивме семејствата на жртвите и во име на Крајбрежната стража на САД и сите вклучени во потрагата изразувам најдлабоко сочувство до семејствата“ -  рече адмиралот Џон Маугер.

https://www.instagram.com/p/Ctze5u9hxz4/

Се верува дека подморницата експлодирала на дното на океанот, во непосредна близина до пропелерот на „Титаник“. Според Daily Mail, остатоците од подморницата биле најдени на само 500m од потонатиот брод.

„Големината на полето со остатоци е во согласност со катастрофалната имплозија на бродот“ - рече Маугер.

Имплозијата настанала најверојатно затоа што надворешниот притисок бил многу поголем од притисокот во кабината, што предизвикало подморницата да се распадне.

Пронајдени се пет делови од подморницата. Некои од нив припаѓале на капсулата која го одржувала притисокот внатре во подморницата.

Вестите се потврдени и од страна на компанијата OceanGate, но и од крајбрежната страна на САД.

Во однос на звуците на тропање што се слушаа во изминатите денови, и што според многумина беа знаци на надеж, адмиралот Џон Маугер на прес-конференцијата денес изјави:

„Имплозијата предизвикала значаен звук што се шири, што може да биде звукот што сонорот успеал да го улови“ – рече тој.

Засега не се најдени телата на ниту еден од патниците, но се верува дека ниту еден од нив не можел да ја преживее експлозијата на подморницата.

Маугер рече дека далечински управуваните возила ќе ја продолжат потрагата на дното на океанот.

#Titanic A debris field has been discovered near the Titanic by a remotely operated vehicle.
US Coast Guard will brief the public at 3pm EST.#Titan #OceanGate #TitanicRescue #titanicsubmarine #ShahzadaDawood pic.twitter.com/SrS3EVV8uL

— Shah (@S0101019) June 22, 2023

За потсетување, малата подморница „Титан“ на која се наоѓале петмина туристи кои платиле по 250.000 долари за да го посетат потонатиот брод  „Титаник“ исчезна во неделата (18.06), а првично се веруваше дека жртвите може да преживеат од 70 до 96 часа благодарение на резервите на кислород, рок кој истече денес напладне.

Прочитајте и Случајот кој го следи цел свет: Сите детали за исчезнатата подморница со милијардери туристи, што потона во близина на „Титаник“

Б. С. Б. | Црнобело