Спонзорирано од:
Спонзорирано од ОгласиЗаРабота.мк


Случајот кој го следи цел свет: Сите детали за исчезнатата подморница со милијардери туристи, што потона во близина на „Титаник“

Се смета дека ако петте лица што се заробени во малата подморница „Титан“ бидат спасени, тоа ќе биде миг што ќе наликува на холивудски филм, но звуците на тропање уловени на сонар, ја враќаат надежта. Кои се луѓето што исчезнаа и што знаеме за малата подморница која 3 години нудела тури до остатоците на „Титаник“?

se-slushaat-zvuci-na-tropanje-rokot-za-spasuvanje-istekuva-vo-chetvrtok-popladne-shto-znaeme-za-podmornicata-shto-potona-vo-blizina-na-titanik-01.jpg

Три дена трае потрагата по малата подморница „Титан“ која исчезна во близина на остатоците од потонатиот брод „Титаник“. Во неа имало вкупно пет лица, меѓу кои британскиот милијардер авантурист Хамиш Хардинг и пакистанскиот милијардер Шахзада Давуд и неговиот син Сулејман Давуд, кои платиле по 225.000 евра за туристичкото патување.

Со помош на сонар во вторникот (20.06), канадски авион што е вклучен во потрагата по подморницата „Титан“, уловил звуци под водите на Северноатлантскиот Океан, пренесува CNN.

Според извештаите, звуците што наликуваат на тропање се слушале со часови откако првпат биле детектирани, во интервали од по 30-тина минути.

se-slushaat-zvuci-na-tropanje-rokot-za-spasuvanje-istekuva-vo-chetvrtok-popladne-shto-znaeme-za-podmornicata-shto-potona-vo-blizina-na-titanik-10.jpg

Крајбрежната стража на САД ги потврди информациите со кратка објава на Твитер и потврди дека некои од спасувачките екипи се пренасочени кон тоа да утврдат за какви звуци станува збор и дали навистина успеале да детектираат знаци на преживеани лица.

Додека сѐ уште трае потрагата се смета дека шансите за спасување на петте лица заробени во подморницата се минимални, со оглед на тоа во понеделникот спасувачките екипи предвидеа дека тие имаат кислород за околу 70 до 96 часа, а овој рок истекува во четврток попладне според локално време.

Од друга страна, пак, постои опасност, подморницата да е заглавена во потонатиот „Титаник“ и заради тоа шансите за спасување да бидат уште помали, а се смета дека спасувачката мисија би одела мошне тешко заради длабочината на морското дно.

Во продолжение неколку факти за тоа што знаеме досега за исчезнатата подморница:

Малата подморница „Титан“ е најмалата и енергетски најефикасна подморница, според OceanGate Expeditions, компанијата што ја креирала. Подморницата има капацитет од пет лица, еден капетан и четворица членови на екипажот и има резерви на кислород околу 96 часа.

se-slushaat-zvuci-na-tropanje-rokot-za-spasuvanje-istekuva-vo-chetvrtok-popladne-shto-znaeme-za-podmornicata-shto-potona-vo-blizina-na-titanik-02.jpg

Подморницата во неделата (18.06) ја прекинала комуникацијата со операторите додека се наоѓале на локација од околу 700km јужно од Сент Џон, Њуфаундленд, за време на патување до потонатиот брод „Титаник“ во близина на брегот на Канада.

se-slushaat-zvuci-na-tropanje-rokot-za-spasuvanje-istekuva-vo-chetvrtok-popladne-shto-znaeme-za-podmornicata-shto-potona-vo-blizina-na-titanik-11.jpg

Подморницата требало да се спушта во длабочините околу 2 часа, но околу 1 час и 45 минути по започнувањето на спуштањето до морското дно, екипажот на „Polar Prince“ бродот што ја придружувал подморницата загубил секаков контакт со подморницата.

Не е познато што се случило со малата подморница, ниту пак, колку блиску биле до „Титаник“ кога исчезнале.

se-slushaat-zvuci-na-tropanje-rokot-za-spasuvanje-istekuva-vo-chetvrtok-popladne-shto-znaeme-za-podmornicata-shto-potona-vo-blizina-na-titanik-03.jpg

Во подморницата имало вкупно пет лица, меѓу кои британскиот милијардер и авантурист Хамиш Хардинг, францускиот нуркач Пол Анри Наргеоле, пакистанскиот милијардер Шахзада Давуд и неговиот син Сулејман Давуд, а со неа управувал извршниот директор и основач на OceanGate, Стоктон Раш.

se-slushaat-zvuci-na-tropanje-rokot-za-spasuvanje-istekuva-vo-chetvrtok-popladne-shto-znaeme-za-podmornicata-shto-potona-vo-blizina-na-titanik-13.jpg

Продолжува на следната страница...



Би можело да ве интересира:

Поголемата ќерка ја доела до 6 години, а помалата ќерка (3) сè уште ја дои - Мајка од Романија стана... „Јас моите ќерки не ги одбивам од доење, им давам сè додека тие не посакаат да с...
„Купив стан за да живееме со партнерот, сега тој не сака да плаќа кредит – ме искористува ли?“ „Купив стан на мое име и кога го замолив дечко ми да помага со кредитот, ми рече...
Мами воздишки и во шестата деценија, ужива во улогата на баба - Која е најубавата кралица во светот? Никој не може ниту да претпостави дека родила 4 деца, а најубавата кралица во св...
16 години ја крие од целиот свет – Која е сопругата на „крвавиот принц“ од Саудиска Арабија? Западните медиуми пишуваат дека еднаш била толку претепана што морала да заврши ...
Бебе херој: Се родило во петтиот месец тешко само 410 грама, а сега го прослави првиот роденден Сите ѝ рекле дека на бебето му нема спас и да се прости со него, но во мигот ког...
Сведоштва и видеа од падот на товарниот авион во Вилнус врз станбена зграда: „Како небото да го осве... „Во 5 часот утрово слушнав тресок. Истрчав надвор, и, кога погледнав кај гаражат...

Најчитани неделава

sonovnik-sidebar.jpg