Носи маска заради повредата на носот, „паѓа“ на постари девојки – Факти за најзгодниот фудбалер на хрватската репрезентација Јошко Гвардиол

Детали

вторник, 13 декември 2022

Имал само 4 години кога Лука Модриќ почнал да игра за фудбалската репрезентација на Хрватска, тврди дека првиот тренер го понижувал, а од заработката од фудбал на своите скромни родители им купил куќа – Што знаеме за Јошко (малиот Пеп) Гвардиол, најмладиот играч на хрватската репрезентација?

Јошко Гвардиол или како што многумина го нарекуваат „малиот Пеп Гвардиол“ деновиве е еден од најпопуларните фудбалери во хрватската репрезентација.

На возраст од само 20 години тој успева да го украде вниманието на присутните, а според многумина е еден од најдобрите играчи што на Хрватска ѝ помогнаа да се пласира во полуфиналето во Катар.

Затоа странските медиуми шпекулираат дека голем број светски признати клубови се заинтересирани да го „купат“ младиот Хрват и да го донесат во своите редови.

Се проценува дека Јошко денес има богатство од околу 2 милиони долари, важи за еден од најзгодните хрватски фудбалери, а прекарот Пеп го добил заради сличноста на презимето со менаџерот на Манчестер Сити, Џозеф „Пеп“ Гвардиола.

Во продолжение повеќе интересни детали за Јошко (Пеп) Гвардиол:

Јошко е роден во 2002-ра година и имал само 4 години кога капитенот на репрезентацијата Лука Модриќ за првпат играл за хрватската репрезентација во 2006-та година. Се сеќава дека на 6-годишна возраст се нацртал себе во дрес на Динамо Загреб, а 12 години подоцна на истиот тој клуб ќе му помогне да освојува трофеи.

Јошко потекнува од скромно семејство. Неговиот татко Тихомир е рибар, кој немал премногу големо богатство, но затоа од најмали нозе го научил својот син на истрајност, упорност и издржливост.

„Да не бев фудбалер, веројатно ќе тргнев по неговите стапки. Порано кога тренинзите беа пократки се случуваше да одам кај него во рибарницата и да седам со него. Мирисот на рибата никогаш не ми пречел“ – рече Јошко.

Јошко има уште две постари сестри, а вели дека како дете за малку сакал да се откаже од фудбалот заради еден тренер кој не му дозволувал да игра и постојано го чувал на клупа.

„Одев на тренинг со голема желба, а таму некој ме понижуваше. Имав проблем, затоа што имав настава попладне, па татко ми ме чекаше пред училиште, ме возeше, јадев сендвич во автомобилот, додека одев на тренинг. И таму се случува сѐ и сешто.

Ќе дојде натпреварот, не играм или ќе влезам малку. Се прашував, зошто тренирам кога давам сѐ од себе, а не играм? Сфатив дека нема постојано да биде истиот тренер. Дојде нов тренер, ме виде колку вредам и ете...“ – раскажа во една прилика Гвардиол.

Професионалната кариера како фудбалер ја започнува за Динамо Загреб. По првиот гол што го даде за Динамо на возраст од само 17 години Јошко беше фотографиран како се вози во трамвај и таа фотографија беше објавена во сите хрватски медиуми, а тој самиот рече дека во моментот немало кој да го земе и не гледа ништо лошо во тоа што користел јавен превоз.

Продолжува на следната страна...