Најзгодната хрватска навивачка гневна пред почетокот на Европско: „Видете за што плаќам по 650 евра од вечер“

Детали

петок, 14 јуни 2024

„Собите се стари, греењето не работи…“ Најпознатата хрватска и светска навивачка Ивана Кнол го искажа своето незадоволство од условите за сместување што ги добила во хотелот кој ѝ го претставиле како „најдобар во Берлин“, за време на Европското првенство во фудбал.

Фудбалските фанови од целиот свет со нетрпение го очекуваат почетокот на новото Европско првенство, што годинава се одржува во Германија, а ќе започне денес (14.06) со натпреварот меѓу Германија и Шкотска.

Меѓу големиот број фудбалски фанови од светот што се собраа во Берлин за во живо да ги проследат натпреварите е и хрватската навивачка Ивана Кнол, која се прослави за време на Светското првенство во Катар, кога привлекуваше внимание со провокативните аутфити.

Благодарение на ова светско првенство, Ивана беше прогласена за најзгодната навивачка во светот, а на својот Инстаграм профил сподели повеќе фотки со кои покажа дека веќе пристигнала во Берлин, од каде ќе навива за тимот на нејзината држава, но и за нејзините фаворити.

Таа позирајќи во смело издание, го искористи своето влијание на социјалните мрежи и за да се пожали на условите во луксузниот хотел во Берлин каде што отседнала.

Поранешната Мис Хрватска се пофали дека плаќа по 650 евра од ноќевање во Берлин само за неа, но е разочарана од условите што ги добила.

„Плаќам илјадници евра за ’најдобриот хотел‘ во Берлин. Собите се стари, греењето не работи, теретаната и базенот се реконструираат. Не би го препорачала“ – напиша таа и во следното Стори на германски јазик допиша дека и вработените се некултурни кон неа.

Но, лошото сместување не беше пречка за Ивана да почне да споделува фотки во кои позира во смели изданија и во краток топ со знамето на нејзиниот национален тим.

Инаку, ова е првпат Ивана да присуствува на фудбалско првенство како сингл девојка, откако неодамна раскина со дечкото.

„Имав дечко со кого бев во врска 10 години. Раскинавме минатата година. Сега сум сингл, но, не сум во потрага по друг маж во моментов“ – изјави таа.

За потсетување, Ивана на Светското првенство во Катар постојано се појавуваше во смели изданија, па честопати се коментираше дека може да се најде во непријатни ситуации со тамошните власти.

За Европско се очекува да ја продолжи традицијата и да докаже зошто по Катар беше прогласена за најзгодна навивачка во светот.

Б. С. Б. | Црнобело