Која е турската новинарка што му направи интервју на Пандев на македонски јазик и има потекло од Охрид?
- Детали
- четврток, 24 јуни 2021
Откако најави дека ќе се пензионира, голем број новинари побрзаа да направат интервју со капитенот на нашата селекција Горан Пандев. Сепак, најголемо внимание привлече новинарката на турската телевизија beIN Sports Turkey, Сејхан Шашко, која во негова чест го водеше интервјуто на – македонски јазик.
Тоа што новинарката добро го познава јазикот се должи пред сè на нејзиното потекло. Таа потекнува од Охрид, а на 3-годишна возраст со семејството се преселиле во Истанбул.
Сепак, иако била многу мала кога се преселила од Македонија, и иако целото образование го завршила во Турција, мора да забележиме дека таа одлично го говори македонскиот јазик.
Како помалку познат факт за неа се издвојува тоа што иако кариерата во целост ја посветува на спортското новинарство, таа е дипломиран музичар. Дипломирала на Државниот Конзерваториум на Универзитетот Мармара, но сепак љубовта кон спортот, а особено кон тенисот одиграла важна улога во изборот на нејзината кариера.
Телевизиската кариера ја започнува во ТРТ во 2009-тата година. По ова ја уредувала и ја презентирала програмата Inverted Corner на EUROSPORT. По ова работела и во други спортски канали за денес да биде дел од тимот на beIN Sports Turkey.
Сејхaн во минатото била во врска со познатиот турски фудбалер кој играше за тимот на Фенербахче, Тунџај Санли.
Тие беа топ тема во турските медиуми во 2018-тата година откако имаше пишувања дека токму со неа фудбалерот ја изневерил поранешната девојка и мајка на неговото дете Мелис Сајим.
Ваквите тврдења веднаш беа отфрлени од Санли и Шашко. Нивниот адвокат со изјава до медиумите потврди дека Санли претходно раскинал со девојката и немал намера да ја продолжи врската само поради детето, а дека од почит кон неа врската со новата девојка Шашко ја чувал подалеку од очите на јавноста.
Иако се шпекулираше дека тие двајцата ќе стапат во брак, тоа не се случи.
Сепак, по драматичните случувања се чини дека Шашко конечно нашла среќен крај, па така во март годинава се омажи за спортскиот коментатор Ерсин Догру. Претходно, тие подолго време ја криеле врската, а во декември минатата година потврдија дека се гледале околу 1 година.
Во продолжение погледнете го интервјуто на Шашко со Пандев:
Goran Pandev’in Galatasaray formasıyla Türkiye’deki kısa dönemine dair sözleri🍀
— Seyhan Şaşko (@seyhansasko) June 21, 2021
Igor Angelovski ve Goran Pandev röportajının tamamı gün boyu bein sports haber’de! pic.twitter.com/3k7kgYiqGp
Б. С. Б. | Црнобело
Би можело да ве интересира:
Препорачуваме
Најчитани неделава
