Час и 52 минути во мраз, по шорцеви на Монт Еверест: Вим Хоф, човекот што не чувствува ладно - суперхерој од реалноста (фото)

Детали

среда, 24 јануари 2018

Тој не е илузионист, туку мастер по медитација, кој може да изведе незамисливи работи. Со способноста за фокусирање влијае на својот ум и тело и прави чуда.

Вим Хоф (58) е екстремен холандски атлетичар. Познат е како Ледениот човек (The Iceman) по неговата неверојатна способност да издржува студ. Без разлика дали станува за пливање во ледена вода или одење бос по снег, тој има неверојатна способност.

Вим тврди дека неговата издржливост се должи на комбинација од стари тибетски техники за концентрација и дишење и неговата религиозна природа.

Кога имал 17 години ненадејно почувствувал потреба да скокне и да плива во екстремно студена вода и оттогаш до денес поставува светски рекорди.

Зад себе има 26 светски рекорди. Во 2007 година тој минал 6.7 километри качување на Монт Еверест облечен само со шорцеви и чевли, но не стигнал до врвот поради повреда на ногата.

Во 2008 година го надминал својот претходен светски рекорд во издржливост на седење во мраз и со 1 час 13 минути и 48 секунди влезе во Гинисовата книга на рекорди. Во 2010 година повторно го надмина рекордот со издржени 1 час и 44 минути во мраз во Токио, а потоа тоа го стори во Њујорк и сега рекордот запишан во Гинисовата книга му е 1 час 52 минути и 42 секунди.

Истрчал и цел маратон во пустината Намиб без вода.

Хоф има 5 деца, 4 од нив со првата сопруга која извршила самоубиство во 1995 година, а едно со втората сопруга, кое го добиле во 2003 година. Тој вели дека болката од загубата на првата сопруга дополнително му помогнала да развие техника за издржливост и справување со ниски температури.

Гостува во разни емисии и прифаќа разни предизвици како качување на Килиманџаро два дена на снег, бос, само по шорцеви. Вели дека во животот сè е возможно само треба да тргнете чекор по чекор.

Овој Холанѓанец е како суперхерој од вистинскиот живот:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело