Олиќ за победата на Баерн

Детали

среда, 31 март 2010

На вчерашниот прв натпревар во четврт-финалето на фудбалската Лига на шампиони, Баерн на домашен терен го поразди Манчестер Јунајтед...

 

... со резултат од 2-1, а победничкиот гол го даде хрватскиот репрезентативец Ивица Олиќ.

Домашните фудбалери, кои играа без двајца редовни играчи - повредениот Аријен Робен и казнетиот Бастијан Швајнштајгер, многу рано доживеаа шок - веќе во 2 минута од прекинот.

Во 16-тата минута Манчестер два пати се закани во рок од 30 секунди, прво Руни, а потоа и Нани, но без резултати. Олиќ во 17-тата минута имаше стопроцентна шанса за израмнување, но не успеа да даде гол. Шест минути подоцна Прањиќ се обиде да го изненади Ван дер Сар, но голманот успеа да го скроти овој удар.

Во 38-та минута повторно катастрофална грешка во баерновата одбрана, слично како и првиот гол - Руни ја имаше таа шанса за удар, но овој пат не беше доволно прецизен. Во второто полувреме Баерн се покажа доста поангажирано - во 76-тата минута домаќините успеаа да го израмнат резултатот со слободен удар од 18 метри, кој го изведе Рибери.

Токму кога се очекуваше натпреварот да заврши изедначено, Олиќ ја искористи слабата одбрана на гостите и го даде победничкиот гол за Баерн Минхен. Заедно со Олиќ, кој го одигра цел натпревар, и другиот хрватски репрезентативец во редовите на Баерн Даниел Прањиќ играше до 89-тата минута.

Наредната средба ќе биде на 7ми Април во Манчестер.