Шакира 11 години одбиваше да стапи во брак со Жерар Пике, а сега Клара Чиа ја планира свадбата: „Тие се лудо вљубени“

Детали

среда, 08 март 2023

Не згаснува интересот во шпанските медиуми за разделбата меѓу познатата колумбиска пејачка Шакира и фудбалерот Жерар Пике. Според најновите информации објавени во шпанските портали Пике планира да стапи во брак со 23-годишната Клара Чиа, иако тоа никогаш не го направи со Шакира, со која беше 11 години во врска.

Шакира неодамна имаше интервју каде што отворено говореше за разделбата со Жерар Пике и нагласи дека се чувствува многу посилно откако се разделила од Пике и дека целосно е сконцентрирана на тоа да биде силна за синовите.

Таа објави три одмазднички песни кои станаа вистински хитови, а сега шпанските медиуми пишуваат дека нејзиниот поранешен партнер би можел да преземе уште еден чекор заради кој пејачката ќе биде гневна.  

„Поранешниот фудбалер на Барселона и Клара Чиа би можеле да стапат во брак затоа што се ‘премногу вљубени еден во друг’“ – пишуваат порталите.

За потсетување, Шакира и Пике беа заедно 11 години и имаат две деца, но никогаш не стапија во брак. Шакира во една прилика рече дека таа не сака да стапи во брак.

„Многу ме плаши (помислата на брак). Не сакам да ме гледа како сопруга, сакам да ме гледа како девојка, како љубовница.

Тоа е како да имаш забрането овошје, сакам да ми посветува внимание и да верува дека сѐ е можно во зависност од неговото однесување“ – рече во една прилика пејачката.

Од друга страна, пак Пике живее заедно со девојката во стан во Барселона, а шпанските медиуми шпекулираат за тоа каква би била нивната свадба:

„Тие најмногу зборуваат за тоа каква свадба би сакала Клара Чиа.

Таа не сака голема свадба, туку нешто интимно и не сака да биде целосно фотографирана во медиумите“ – пишува Marca.

Прочитајте и „Не ја боли тоа што ја изневерил, туку што е со неа“ - Шакира имала смешен прекар за девојката на Пике пред да дознае за неверството

Б. С. Б. | Црнобело