Се огласи девојката со која Машин Ган Кели наводно ја изневерил Меган Фокс, фановите на актерката ја напаѓаат

Детали

четврток, 16 февруари 2023

Фановите на Меган Фокс се убедени дека Машин Ган Кели ја изневерил со неговата 26-годишна басистка, а сега таа одговори на гласините истакнувајќи дека тие се непочитување за неа. Дали неверството е вистинската причина за проблемите на Меган и музичарот?

По мистериозната Инстаграм објава на Меган Фокс и гласините дека ја раскинала свршувачката со Машин Ган Кели, фановите почнаа да шпекулираат дека музичарот ја изневерил.

Многумина се убедени дека Машин Ган Кели имал афера со неговата басистка – 26-годишната Софи Лојд – која го придружува на секој настап.

Откако Меган го избриша Инстаграм профилот, таа и музичарот беа забележани како излегуваат од канцеларија на психолог во Калифорнија, а на фотките актерката е видно вознемирена.

Додека Меган и Машин Ган Кели немаат споделено ништо за нивните проблеми, басистката Софи се огласи во врска со гласините за аферата.

Нејзиниот менаџер даде изјава за Page Six во која ги осудува „безмилосните“ гласини:

„Софи Лојд е професионалец, успешен музичар кој непотребно се најде во медиумите поради безвредни обвиненија смислени од социјалните мрежи.

Сите гласини дека некогаш се однесувала непрофесионално се невистинити. Ова е непочитување кон неа како женски артист“.

Софи стана дел од бендот на Машин Ган Кели минатата година, на турнеја која траеше од јуни до октомври.

На нејзиниот Инстаграм има многу фотки од турнејата, вклучувајќи и неколку со музичарот.

По турнејата, таа настапуваше со него и на други настани и фестивали.

Софи настапуваше со Машин Ган Кели и на забавата по Super Bowl, која се одржа истата вечер кога Меган Фокс го обвини за неверство.

Наводно, Софи е во сериозна врска која трае веќе пет години, но набрзо по гласините за аферата, на нејзиниот Инстаграм профил почнаа да се појавуваат злобни коментари.

Фановите на Меган Фокс дури почнаа да ја нарекуваат „уништувачка на семејства“.

Според извор близок до парот, тие уште не ја раскинале свршувачката, но Меган била многу гневна на музичарот.

„Официјално ја немаат раскинато свршувачката, но Меган си го извади прстенот. Имаа проблеми во минатото, но овојпат ситуацијата изгледа премногу сериозно“.

Спирова С. | Црнобело