Ријана е бремена со второ дете – со трудничко стомаче приреди енергичен настап на Super Bowl (фото+видео)

Детали

понеделник, 13 февруари 2023

Само 9 месеци откако го доби синот со Ејсап Роки, Ријана е бремена по вторпат. Убавицата од Барбадос синоќа настапи на полувремето на Super Bowl, а црвениот аутфит не можеше да го скрие нејзиниот труднички стомак, за време на енергичниот настап. 

Ријана имаше експлозивен музички настап на синоќешното полувреме на Super Bowl (12.02). Taa се појави во целосно црвен аутфит, а отпеа и танцуваше на голем број од нејзините стари хитови.

I don’t think @rihanna understand the level of excitement she brought to everyone that loves her and her music. She sang classics that made us go way back. ❤️ Danced and sang while pregnant. Epic! #FentyBowl #RihannaSuperBowl #Rihanna pic.twitter.com/ic4piMumkp

— Maybe Later (@MaybeLa78670644) February 13, 2023

Таа нежно го допираше своето трудничко стомаче, по што масовно почна да се споделува веста дека пејачката е бремена по вторпат, а убавите вести се потврдени и од нејзиниот ПР тим.

Ријана (34) и Ејсап Роки (34) ја почнаа романтичната врска во 2020-та година, а заедно го добија 9-месечниот син чиешто име сè уште не го откриваат.

Таа неодамна сподели дека се двоумела многу дали да настапува на Super Bowl, но дека мајчинството ја инспирирало да го направи тоа.

Истовремено ова беше можност пејачката во свој стил да објави дека ќе добие второ дете.

За потсетување, Ријана минатата година цели пет месеци криеше дека е бремена, за потоа да објави договорени папарацо фотки во кои го покажа својот труднички стомак, што брзо се проширија на социјалните мрежи, а се чини дека успеа да го направи истото по вторпат.

На социјалните мрежи сите коментираат дека пејачката имала генијален настап за кој долго ќе се зборува, но нејзините машки обожаватели не се премногу среќни заради веста дека таа повторно ќе стане мајка.

Дел од нив споделуваат смешни видеа на Твитер со кои сакаат да покажат како се чувствуваат откако дознале дека Ријана повторно е бремена:

„Ајде бе Ејсап Роки, не дозволуваш човек да сонува“, „Ејсап Роки ми ги уништи соништата“ – стои во дел од коментарите на Твитер.

Me seeing Rihanna pregnant again. COME ON MAN, MY BROTHER ASAP, CANT A MAN DREAM pic.twitter.com/m8zSBw85cr

— Edgar ᵕ̈ (@eeDrix_) February 13, 2023

Погледнете го видеото од настапот на Ријана:

https://twitter.com/megsmedia/status/1624998457218895879

 Б. С. Б. | Црнобело