Ријана гордо го покажа трудничкото стомаче – со Ејсап Роки го очекуваат првото дете (фото)

Детали

понеделник, 31 јануари 2022

Кон крајот на минатата година, Ријана ги негираше гласините дека е бремена, но сега гордо го покажа стомачето, со тоа потврдувајќи ги убавите вести. Досега, пејачката умешно ја криеше бременоста со широка облека.

Ријана и нејзиното момче Ејсап Роки го очекуваат нивното прво дете, а пејачката гордо го покажа трудничкото стомаче со впечатлива комбинација.

Викендов, вљубениот пар беше забележан на прошетка во Харлем, родниот град на раперот, а на папарацо фотките во преден план е трудничкото стомаче на Ријана.

Пејачката носеше фармерки во комбинација со откопчана розова јакна, како и многу долг ѓердан.

Иако Ријана редовно се појавува во јавност, сè досега успешно ја криеше бременоста со широка облека.

Нo, наводно била забележана минатата недела во ресторан каде што според изворите на Page Six, избегнувала алкохол и постојано си го допирала стомакот.

Првите гласини за бременоста на пејачката се појавија уште во ноември минатата година, но тогаш таа ги негираше. Сепак, нејзиното момче неколкупати има спомнато дека би сакал да има деца со неа.

Ријана и Ејсап Роки ја потврдија врската во 2020 година, по долгогодишно пријателство.

Спирова С. | Црнобело