Приватен авион од 20 милиони за него и Џорџина, палата од 30 милиони за пензионирање – Како Роналдо го троши богатството?

Детали

сабота, 31 декември 2022

Вработил стилист кој секој месец ја менува фризурата на неговата восочна фигура во музејот во Мадрид, Џорџина носи еден од најскапите свршенички прстени меѓу познатите жени на фудбалери – Како Кристијано Роналдо ги троши милионите?

Кристијано Роналдо заработи 115 милиони долари во периодот од мај 2021-ва до мај 2022-ра година и се најде на третото место на спортистите со најголема заработка според Forbes.

Единствени спортисти што заработуваат повеќе од Роналдо се Леброн Џејмс и Роџер Федерер.

Важи за еден од најдобрите стрелци во историјата на фудбалот, а заработува и од рекламните кампањи и од големиот број следбеници, па така се проценува дека една објава на неговиот Инстаграм профил може да достигне цена од 1,6 милиони долари.

Понекогаш неговата партнерка Џорџина Родригез е тука за да сподели фотографии од нивниот луксузен начин на живот, а некогаш тоа го прави и самиот Роналдо со неговите објави на Инстаграм.

Скапи патувања, одмори, нови палати - како Роналдо ги троши милионите и на што не сака да штеди?

Сите знаат дека Роналдо има богата колекција автомобили, која до мај годинава се проценуваше дека вреди 24 милиони долари. Тој има повеќе автомобили Mercedes, Ferrari и екстремно реткиот McLaren Senna.

Во февруари 2021-ва година за својот 36-ти роденден се почести со Bugatti Centodieci, кој чини околу 12 милиони долари, а во светот има вкупно 10 вакви автомобили. Тој исто така поседува и други автомобили од истиот производител, а неговиот телохранител имаше сообраќајна несреќа додека управуваше со еден од нив во Мајорка.

Светските медиуми објавија дека во септември годинава, Роналдо го ставил на продажба својот приватен авион затоа што е премногу мал за неговото семејство.

Роналдо го купи авионот во периодот додека играше за Реал Мадрид по цена од 20 милиони евра, а Џорџина неодамна изјави дека ако не патува со приватен авион, воопшто не би тргнала на патувањето. 

Познато е дека Роналдо има повеќе имоти во Португалија, како и синџир хотели CR7 во Њујорк, Лисабон, Париз, Маракеш и Мадрид.

Подолжува на следната страна...