Џорџина и Роналдо на божиќно патување во Лапонија со децата – го посетија Дедо Мраз, се возеа со санки

Детали

вторник, 24 декември 2024

Роналдо позира со ирваси во снежна идила, се вози со децата на моторни санки, а цело семејство ужива во селото на Дедо Мраз и во топли напитоци покрај камин на минусните температури во Лапонија, Финска.

Кристијано Роналдо и Џорџина Родригез деновиве се на претпразнично патување во Лапонија, Финска заедно со нивните деца.

Тие уживаат во зимската идила, а на Инстаграм споделија фотки од снегот кој речиси ја затрупува вратата од нивното сместување, но тоа не ги спречува да создаваат спомени. 

Џорџина открива дека температурите достигнуваат до -8 степени Целзиусови, а се греат со топли напитоци покрај камин. 

Кога фудбалерот одмара од работни ангажмани, практикува да оди на патувања со семејството и е целосно посветен на децата.

Па така и на зимската авантура во Лапонија, тој сподели како се вози на моторни санки со синот и позира покрај ирваси.

Парот ги израдува децата и ги однесе и во селото на Дедо Мраз, каде во својата куќа тој им пее традиционални песни и ги анимира.

Кликнете за да го погледнете видеото од посетата на Дедо Мраз: 

Уште неколку фотки од нивното патување во Лапонија:

M. M. | Црнобело