„Не сум го зголемил половиот орган“ - раперот 50 Cent тужи докторка што објави нивна заедничка фотка како реклама

Детали

петок, 16 декември 2022

„Со фотографијата што ја објавија ми го нарушија угледот и станав предмет за потсмев“ – тврди раперот 50 Cent во тужбата против докторката, која одлучила нивната заедничка фотографија да ја искористи за да ја рекламира операцијата за зголемување на половиот орган што се нуди во нејзината клиника.

Раперот Куртис Џексон, попознат како 50 Cent, поднесе тужба против хирургот Ангела Коган и нејзината клиника Perfection Plastic Surgery and MedSpa, затоа што таа објавила нивна заедничка фотографија на социјалните мрежи со цел да промовира дека тој направил операција за зголемување на половиот орган.

Во судските документи објавени од страна на TMZ се гледа дека раперот тврди дека се фотографирал со Ангела во 2020-тата година затоа што сметал дека таа му е обожавател, додека бил во клиниката.

Засега не е познато какви услуги користел раперот, но тој вели дека не очекувал дека докторката ќе ја користи фотографијата како реклама на социјалните мрежи.

По ова, скандалот добил нови пропорции кога каналот The Shade Room направил сторија за познати личности што го зголемиле половиот орган, па фотографијата на раперот со докторката се нашла во сторијата.

Раперот вели дека Ангела и нејзината клиника се свесни дека тој никогаш не направил операција за зголемување на половиот орган, па бара тие веднаш да престанат да ја шират фотографијата, а освен тоа ќе бара и отштета, но сѐ уште не се знае колкава сума ќе треба да му исплатат доколку се докаже дека раперот е во право.

Б. С. Б. | Црнобело