Камила Кабејо со хит видео: „Имав средба со вонземјани – успеав да ги снимам“

Детали

сабота, 15 октомври 2022

„Фатила мува во кадарот“ – велат некои од твитерџиите што го погледнаа видеото што Камила Кабејо го објави и на кое тврди дека успеала да сними неидентификуван летечки објект.

Познатата пејачка Камила Кабејо (25) гостуваше во емисијата The Tonight Show во средата, а таму ја покажа видео снимката што ја направила во Чиле и на која верува дека успеала да ја „улови“ средбата со неидентификуван летечки објект (НЛО).

За време на гостувањето пејачката го покажа видеото што го направила додека била во планините во Јужна Aмерика заедно со нејзините родители.

„Значи планинаревме и имаше многу чудни активности таму. Зборувам за активности со НЛО и со вонземјани. Јас не сум од оние луѓе... Не верувам во тоа, па да ми се случи да видам нешто што не постои. Моите родители сакаат да гледаат документарни филмови за НЛО. Јас сакам документарни филмови за природата, за планетата Земја и слично“ – вели таа.

Но, иако не верува во НЛО, Камила ја покажа видео снимката во која според неа, може да се видат два или три неидентификувани летечки објекти.

„Го забавив видеото и мислам дека успеав да „уловам“ НЛО“ – вели таа, па додаде дека се двоумела дали да го покаже видеото во емисијата, затоа што не сакала да ја загуби довербата од вонземјаните.

Видео снимката масовно се споделува и на социјалните мрежи и додека некои веруваат дека навистина станува збор за НЛО, други, пак, сметаат дека Камила „фатила“ мува во кадарот затоа што не оди зад планините.

Camila Cabello's UFO on Fallon. Huge grey blurry flying saucer moving at physically impossible speeds that they didn't notice at the time?

Or a fly?

It's a fly. It didn't go behind the mountain, it just dropped out due to video compression.

This will happen again. pic.twitter.com/f6a1hnp9an

— Mick West (@MickWest) October 13, 2022

Погледнете го видеото (видео снимката со НЛО почнува од 1:36):

Б. С. Б. | Црнобело