Машин Ган Кели повторно си скрши чаша од главата, го обвинуваат за сатанизам – дали има лошо влијание врз Меган Фокс?

Детали

четврток, 18 август 2022

Откако му стави крај на бракот со Брајан Остин Грин и почна врска со Машин Ган Кели, Меган Фокс драстично се промени – почна да носи поразголена облека, да објавува провокативни фотографии, но и да прави секакви бизарни ритуали со крв со новиот сакан, кој веќе го обвинуваат за сатанизам. Кои се неговите најнови постапки со кои ги шокираше сите и ги загрижи за менталното здравје?

Меган Фокс беше во брак со Брајан Остин Грин околу десет години и овој период не привлекуваше многу внимание во јавноста.

Одвреме-навреме се појавуваше со децата и сопругот, некогаш и на црвениот тепих, и генерално се држеше понастрана.

Но, штом ја почна врската со музичарот, кој одамна има лоша репутација, се чини дека и самата прифати нешто од неговото однесување.

Парот ја почна врската во 2020 година, и оттогаш видовме секакви бизарности од нив – од пиење крв, до носење обетки и ланчиња полни со нивната крв.

Сепак, периодов актерката и музичарот воопшто не се појавуваа заедно, а Меган немаше споделена фотографија со него.

Ова, пак, ги разгоре гласините дека можеби ставиле крај на наивната врска.

Но, неделава парот конечно беше забележан заедно во Лос Анџелес.

Меган носеше син комплет од кратки панталони и спортски градник со сина кошула. Комбинацијата ја дополнила со кадифена чанта и кадифен шешир.

Музичарот носеше светлосини панталони и блуза со принт.

На неговиот нос се познаваше и мала рана што си ја направи за време на негов концерт.

Бизарното однесување на музичарот не е ништо ново, а минатиот викенд уште еднаш ја загрижи јавноста.

Музичарот имаше концерт во Охајо, а додека беше на сцената си скрши чаша за вино од лицето.

„Веднаш престанете со концертот, ќе бидеме казнети со 70.000 долари за секои 10 наредни минути што ќе продолжиме“, изјави пејачот на бината, по што испи цела чаша вино.

Веднаш потоа извика: „Знаете што велам за тоа? Не го прекинуваме овој концерт за ништо. Јас сум богат!“

И, си ја скрши чашата од главата.

Машин Ган Кели се пофали и на Инстаграм со објава на Инстаграм Стори.

На фотките и видеата, музичарот се смее додека лицето му е крваво, а дефинитивно изгледа малку морничаво. 

Ова не е првпат музичарот да ја зачуди јавноста со вакво бизарно однесување – пред само месец-два, тој исто така скрши чаша од неговата глава, и повторно се пофали на Инстаграм со вознемирувачки фотки.

Машин Ган Кели дефинитивно има влијание врз Меган Фокс, бидејќи и таа почнува да ја изненадува јавноста со бизарности кои се невообичаени за неа.

Покрај провокативните фотки и предлогот да отвори профил на сајт за возрасни со Кортни Кардашијан (која сега ѝ е добра пријателка), актерката со восхит зборува за лудите ритуали што ги прават со саканиот.

Тие ја пиеле нивната крв, консумирале психоделични супстанци, а вереничкиот прстен што го носи Меган ѝ предизвикува болка ако проба да го извади.

Поради сето ова, особено прстенот кој музичарот сам го дизајнирал, многумина сметаат дека тој ја контролира пејачката, како и дека нивниот однос е ништо помалку од токсичен.

Покрај тоа, во минатото Машин Ган Кели честопати беше мета на критики поради неговото однесување кон тинејџерки. На 23 години тој изјави дека ќе оди да ја бара тогаш 17-годишната Кендал Џенер бидејќи му се допаѓала, а за познатите личности не постоеле возрасни граници.

Исто така, тој изјави дека ќерка му на Еминем била „многу секси“, иако тогаш девојчето имаше едвај 16 години. Поради оваа изјава, познатиот рапер дури и му се закани на Машин Ган Кели во негова песна.

Исто така, многумина сметаат дека Машин Ган Кели промовира „сатанистички ритуали“ бидејќи зборува отворено за пиењето крв со Меган Фокс. 

Кога ќе се земат предвид сите скандали на Машин Ган Кели и драстичната промена кај Меган Фокс, не е ни чудно што фановите мислат дека пејачот има негативно влијание врз неа.

Спирова С. | Црнобело