Машин Ган Кели ја згрози јавноста со интервју од 2013-та: „Ми се допаѓа Кендал Џенер, не чекам да наполни 18 години“

Детали

среда, 23 март 2022

„Многупати сум рекол дека ми се допаѓа Кендал Џенер. Не чекам да стане полнолетна. Јас имам 23 години, а таа има 17 и е позната личност. Тука нема граници“ - изјавата на Машин Ган од 2013-та ги разлути твитерџиите, кои тврдат дека истото го зборувал и за малолетната ќерка на Еминем. 

Јавноста се згрози од изјава на Машин Ган Кели во интервју од 2013 година во кое музичарот вели дека му се допаѓа Кендал Џенер.

Проблемот е што кога е направено интервјуто, музичарот имал 23 години, а Кендал едвај 17, и тој кажал дека нема да ја чека да стане полнолетна за да ја освои.

Според него, било сосема нормално тој да има врска со малолетната Кендал бидејќи таа била позната, но и бидејќи другите познати музичари редовно имале врски со 17-годишни девојки.

Видеото го сподели музичарката Алис Глас од Канада, со опис:

„Во ова видео, Машин Ган Кели си бара оправдување за односи со малолетничка бидејќи ’било во ред затоа што и другите познати мажи со правеле тоа‘.

Ми изгледа како да размислувал многу на оваа тема. Набрзина наведува примери кои го охрабруваат предаторското однесување кон малолетни девојки“.

Во видеото, на музичарот му го поставуваат прашањето „Која е првата позната личност што ти се допаѓала?“, а неговиот одговор гласи:

„Не ми е грижа која била првата, бидејќи сега ми се допаѓа Кендал Џенер. Многупати сум рекол дека сакам да бидам со неа. Не ми дозволувајте да се преселам во Лос Анџелес (каде што живее Кендал), ќе ја најдам“.

Потоа новинарот го прашува дали би чекал да наполни 18 години, по што Кели одговара:

„Не чекам да наполни 18, ќе одам сега. Имам 23, а таа е 17 и е позната личност. Тука нема граници“.

https://twitter.com/ALICEGLASS/status/1505897455367311362

Потоа Машин Ган Кели почнува да набројува примери со кои би ги оправдал неговите изјави – вели дека Аксел Роуз, вокалистот на Guns N‘ Roses, имал 16-годишна девојка, па затоа било нормално и тој да има малолетна девојка.

Музичарот, кој моментално е верен со 35-годишната Меган Фокс, уште се нема огласено во врска со контроверзното видео.

Во меѓувреме, твитерџиите ги критикуваат неговите изјави:

„Денес неговата ќерка има 12 години. Се надевам дека добро ќе размисли за ваквите изјави“.

„Машин Ган Кели имаше конфликт и со Еминем бидејќи му рече дека неговата малолетна ќерка била секси!“

„Еднаш налетав на видео каде што се фали дека отишол во Лос Анџелес и ги однел Кендал и Кајли Џенер на пијачки и вечера. Одвратно!“

„Се прашувам дали Меган Фокс го има видено ова, особено бидејќи е блиска пријателка со Кортни Кардашијан“.

„Зошто воопшто е познат?“

„Никогаш не сум го сакал Машин Ган Кели но ова ме натера да го мразам уште повеќе“.

Наводно, неколку светски медиуми ги контактирале Машин Ган Кели и Меган Фокс во врска со контроверзното интервју, но уште немаат добиено одговор.

Музичарот е означен и на неколку твитови поврзани со видеото, но нема одговорено на ниту еден.

Спирова С. | Црнобело