8 славни жени кои отворено прозбореа за проблемите со плодноста

Детали

сабота, 30 јули 2022

Ким Кардашијан и Селин Дион се само дел од познатите жени кои отворено прозбореа за проблемите со плодноста и неуспешните обиди да станат мајки (повторно или по првпат).

Многу жени ширум светот се соочуваат со проблеми кога сакаат да станат мајки.

Некои имаат здравствени проблеми кои имаат влијание врз нивната плодност, а некогаш и самиот стрес од целата ситуација може да го отежни зачнувањето.

Проблемот е што на жените неретко им е срам да зборуваат за оваа тема, па можно е да се чувствуваат сосема осамено во нивната битка да станат мајки.

Но токму затоа голем број познати жени одлучија да го искористат нивното влијание и отворено да прозборат за нивните проблеми со плодноста. Со ова тие им докажуваат на жените дека не се сами и дека секоја може да се најде во иста ситуација.

Покрај тоа, голем дел од овие славни жени на крај успеале да забременат, а со тоа им даваат надеж на другите кои биле во слична позиција.

10 познати жени кои отворено прозбореа за проблемите со плодноста:

Криси Тајген

Криси Тајген и Џон Леџенд со години се обидуваа да добијат дете без помош од лекари.

Криси отворено зборуваше за оваа битка и на крај успеа да стане мајка со асистирано оплодување.

Анџелина Џоли

Анџелина првпат стана мајка откако го посвои синот Медокс од Камбоџа. Неколку години подоцна, со поранешниот сопруг Бред Пит го добија првото биолошко дете, а потоа и посвоија уште неколку.

Најмладите деца на Џоли, близнаците Вивиен и Нокс, актерката ги доби со помош на ин витро.

Кортни Кокс

Ѕвездата од „Пријатели“ има изјавено дека имала неколку спонтани абортуси пред да ја добие ќерката Коко.

По неколкуте неуспешни обиди, таа и сопругот се одлучија за ин витро оплодување.

Тајра Бенкс

Тајра има изјавено дека целиот живот сонувала да стане мајка, а оваа желба ѝ се исполни дури на 40 години.

Како многу ѕвезди на листава, по неколку неуспешни обиди да остане бремена, и таа се одлучи за асистирано оплодување.

Брук Шилдс

Брук Шилдс зад себе има неколку неуспешни обиди за асистирано оплодување.

Но, не се откажа и во 2003 година го доби првото дете. Неколку години подоцна таа доби и ќерка, овојпат без асистирано оплодување.

Селин Дион

Првиот обид за асистирано оплодување на познатата пејачка се покажал како успешен, по што таа го доби нејзиниот син.

Но, додека да ги добие близнаците Нелсон и Еди, пејачката имала спонтан абортус и шест неуспешни обиди за асистирано оплодување.

Ен Хатавеј

На Ен Хатавеј ѝ било толку тешко да остане бремена, што почнала да се чувствува непријатно кога гледала други бремени жени.

За среќа, по многуте неуспешни обиди, на крај сепак доби дете.

Ким Кардашијан

За првата бременост, Ким Кардашијан не се соочи со никакви проблеми.

Но, втората бременост била поголем предизвик, па ријалити ѕвездата се одлучи за ин витро оплодување.

За останатите две деца Ким се одлучи за сурогат мајка поради проблеми со здравјето.

Спирова С. | Црнобело