Џеј Ло искрена за паничните напади: „Останав целосно парализирана, мислев дека го губам разумот“

Детали

среда, 01 јуни 2022

„Во еден миг целосно бев парализирана, видот ми беше замаглен, а симптомите ме уплашија, не бев свесна дека имам паничен напад“ – открива пејачката Џеј Ло во своето писмо до обожавателите, каде говори како научила добро да се грижи за себеси.

Џенифер Лопез (52) е мајка на две деца, а и во шестата деценија од животот важи за една од најубавите жени во светот.

Таа неодамна откри во што се крие нејзината тајна за добриот изглед, откако претходно појасни дека не знаела секогаш да се грижи добро за себеси.

Во дел од нејзиното приватно писмо до обожавателите, On the JLo, таа говореше за тоа како паничните напади ја натерале да сфати дека мора повеќе да се грижи за себеси, да спие доволно и да направи баланс помеѓу приватниот живот и работата.

„Не го цениме доволно сонот. Го цениме само тоа што се трошиме и работиме напорно и, признавам, никој друг не е толку многу опседнат со тоа трчање како мене. Сепак, сфатив дека сонот е најголемата тајна за убавина што најчесто ја потценуваме.

Имаше период во мојот живот кога спиев само по 3 до 5 часа. Бев на снимање по цел ден, а за викендите имав приватни настапи и снимав видео-спотови. Бев во доцните 20-ти години од животот и мислев дека сум незапирлива“ – раскажува Џеј Ло.

Сепак еден ненадеен настан во нејзината приколка ја натерал целосно да си ја промени перспективата и начинот на живот.

Како што вели во еден миг, прво се чувствувала целосно нормално, а потоа останала парализирана.

„Целосно останав смрзната. Работата ми беше главен приоритет и целосно престанав да се грижам за себеси (не помислував да се наспијам или да седнам 10 минути да се опуштам).

Во еден миг целосно бев парализирана, видот ми беше замаглен, по што физичките симптоми уште повеќе ме уплашија и бев целосно ме обзеде страв“ – раскажува пејачката и додава дека денес знае дека тоа бил класичен паничен напад предизвикан од замор и стрес.

По ова, нејзиниот телохранител ја однел на лекар, каде пејачката, откако претходно повторно ѝ се вратила способноста за говор, прашала дали го губи разумот.

„Не, не си луда. Ти треба сон... Обиди се да спиеш од 7 до 9 часа навечер, не пиј кафе и вежбај ако планираш толку многу да работиш. Тогаш сфатив колку сериозни може да бидат последиците од тоа што ги игнорирав потребите на моето тело и дух за да бидам здрава – така почнав да водам поздрав живот“ – признава Џеј Ло.

Како што вели таа, откако ги прифатила овие совети од лекарот, сфатила дека сонот може да ѝ помогне и во борбата со стареењето, а како што вели, добриот сон е како добра временска машина во која можеш да отпатуваш каде сакаш и да се разбудиш 10 години помлад.

По писмото Џеј Ло објави фотки во бикини со кои и официјално ја започна летната сезона, а на фотографиите никој не може ниту да предвиди дека таа има 52 години.

Погледнете ги во продолжение:

 

 Б. С. Б. | Црнобело