Норт Вест (8) со штикли танцува и позира со мајка ѝ Ким во ресторан во Италија – Канје Вест повторно ги напаѓа (фото)

Детали

понеделник, 30 мај 2022

Додека Ким и ќерка ѝ Норт уживаат и танцуваат во ресторан во Италија, Канје повторно ја напаѓа ријалити ѕвездата, најмногу поради тоа што не можел постојано да ги гледа нивните деца.

Ким Кардашијан сподели неколку фотки од излегување во ресторан во Италија со најстарата ќерка Норт, додека Канје Вест повторно ја напаѓа преку неговите песни.

41-годишната Ким и 8-годишната Норт Вест се забавуваа во ресторан во Италија, а гордата мајка сподели неколку заеднички фотки со опис „Најдобриот состанок“.

На фотографиите е јасно дека малата Норт веќе ги учи триковите за позирање на мајка си Ким, а двете ги покажале и нивните танчарски способности во ресторанот.

За пригодата, Ким одбрала хеланки и кроп-топ со сива боја. Малата Норт носеше црни фармерки и маичка, во комбинација со сандали со ниски штикли.

Ким и Норт до неодамна беа во Италија за свадбата на Кортни Кардашијан и Тревис Баркер.

На свадбата не присуствуваа другите деца на Ким – Сент, Чикаго и Псалм – кои ги доби со поранешниот сопруг Канје Вест.

А, додека Ким минува најголем дел од времето со нивните деца, Канје Вест повторно ја напаѓа бидејќи ја нема таа можност.

Преку неговиот најнов сингл, True Love, 44-годишниот рапер го искажува гневот поради тоа што не може да минува повеќе време со неговите деца по разводот со Ким.

Во песната тој вели дека кога ги зема од домот на Ким за да ги види, се чувствува како да ги позајмува, а не како да се негови.

Покрај тоа, Канје ја критикува и облеката на неговите деца, прашувајќи се зошто Ким не им дозволува да носи патики од неговата колекција.

За јавноста е познато дека најголемата причина за разделбата на Ким и Канје е проблематичното однесување на раперот.

А, само неколку денови пред Канје да ја објави новата песна, Ким им се извини на членовите на нејзиното семејство за тортурата што ја трпеле додека траеше нејзиниот брак.

Во епизода од новото ријалити шоу на Кардашијанс, Ким истакнува дека е свесна дека Канје се однесувал ужасно кон нејзиното семејство. Таа вели и дека проблемите во бракот се појавиле уште пред да се влоши состојбата на Канје со биполарното нарушување.

„Го криев тоа многу долго, но никогаш нема да дозволам повторно да ви се случи истото. Сè што можам да направам е да ги контролирам моите реакции. Не можам да контролирам како тој се однесува со мене или како се однесува со вас“, вели Ким.

На крај, таа вели дека е свесна за последиците од разводот што ги трпело нејзиното семејство и дека сака искрено да им се извини.

Канје јавно ја нападна Ким и кога дозна дека најстарата ќерка Норт има ТикТок профил.

Иако Ким обично не возвраќа на нападите на Канје, овојпат се огласи:

„Ја го правам најдоброто што можам за да ја заштитам нашата ќерка, а притоа да ѝ дозволам да ја искаже нејзината креативност во медиумот што го сака со надзор од возрасен.

Разводот е доволно тежок за нашите деца и опсесијата на Канје да ја контролира и манипулира нашата ситуација толку негативно и јавно, само ни предизвикува дополнителна болка.

Од почетокот не сакав ништо освен здрав однос бидејќи тоа е најдоброто за нашите деца и навистина ме растажува тоа што Канје го прави ова невозможно“.

Ким Кардашијан поднесе барање за развод во февруари 2021 година, по речиси шест години брак. Моментално таа е во врска со 28-годишниот Пит Дејвидсон.

Спирова С. | Црнобело