Бурно љубовно минато со помлади девојки, прв брак на 50 години - Факти за DJ Tiësto, кој летово доаѓа во Скопје

Детали

сабота, 28 мај 2022

За првпат се оженил на 50 години, откако претходно долго време тврдел дека нема време за врски и брак, за себеси вели дека се чувствува како да има 25 години, а неодамна објави дека ќе стане татко по вторпат – факти за DJ Tiësto, кој по третпат доаѓа во Скопје во јуни годинава. 

Љубителите на клуб и денс музиката добро знаат кој е DJ Tiësto и со нетрпение ги очекуваат неговите концерти и забави. Холандскиот диџеј е добро познат и кај македонската публика, а двапати досега гостувал во Скопје и успевал да подготви незаборавни забави.

Тајс Михаил Фервест или попознат како DJ Tiësto е роден во 1969-та година во Холандија, а во 2010-та и во 2011-та година беше прогласен за Најдобар диџеј на сите времиња.

Знае да ја крене публиката на нозе, да направи добра забава, но максимално се труди својот приватен живот да го чува подалеку од очите на јавноста.

https://www.instagram.com/p/CSzqvv9Foem/?utm_source=ig_web_copy_link

Сепак, за него се знае дека имал бурно љубовно минато со помлади девојки и пред Аника да му го украде срцето бил во сериозни врски со уште најмалку две манекенки.

Во продолжение проследете неколку интересни факти за холандскиот ди-џеј што можеби не сте ги знаеле:

DJ Tiësto е еден од најпознатите диџеи што полнеше стадиони и сали уште на почетокот на 2000-тите години. Роден е во јануари 1969-та година и има 53 години, а вели дека се чувствува како да има 25. Со музика почнал да се занимава многу млад, а уште на 16 години почнал да пушта музика во локални клубови. Првиот договор го потпишал во 1994-та година, кога ја започнува кариерата што ќе му донесе голема слава и богатство од околу 170 милиони долари.

До 2006-та година DJ Tiësto беше во врска со манекенката Моник Спронк, со која раскина затоа што велеше дека нема премногу време за врска.

Во 2007-ма година тој беше вклучен  во еден од најголемите скандали на денс сцената, откако по најавен концерт во Бахреин, организаторот побегнал со неговиот хонорар и парите од продажба на билетите. Организаторот беше уапсен, а диџејот упати јавно извинување до неговите обожаватели.

Во 2008-ма година холандските весници пишуваа дека познатиот диџеј ќе се ожени со неговата девојка, манекенката Стејси Блокзијл, која тогаш имала само 19 години. Наводно свадбата беше закажана за 10-ти октомври 2008-ма година и требало да се одржи во Колумбија, но диџејот ја откажал затоа што немал време за брак.

Продолжува на следната страна...