Бритни Спирс го очекува првото дете со Сем Ашгари: „Во минатите две бремености се борев со депресија, но молчев“
- Детали
- понеделник, 11 април 2022
Во потресното сведочење на суд додека се бореше за ослободување од легалното старателство од татко ѝ, Бритни Спирс (40) рече дека не ѝ било дозволено да се омажи повторно и да забремени. Сега, само неколку месеци подоцна пејачката најави дека е бремена со првото дете со свршеникот Сем Ашгари (28).
Бритни Спирс во изминатиот период постојано објавуваше постови во кои вербално се пресметуваше со членовите на нејзиното семејство, разголени видеа и фотографии со кои ја шокира јавноста, а сега најави дека ќе стане мајка по третпат.
Таа на Инстаграм објави дека таа и нејзиниот свршеник Сем Ашгари го очекуваат првото заедничко бебе. Како што вели, почнала да се сомнева дека е во блажена состојба откако почнала брзо да качува килограми.
„Загубив толку многу килограми за да одам на одмор на Мауи, за пак да се здебелам... Си мислев ‘Господе... Што му се случува на мојот стомак???’
Сопругот ми рече дека не сум бремена. Сепак, земав тест за бременост, па по 4 дена уште повеќе се здебелив. Бебето расте! Ако има две бебиња не знам што ќе правам“ – пишува Бритни.
Пејачката која веќе има два сина од бракот со Кевин Федерлајн, Шон Престон (16) и Џејден Џејмс (15) најави дека во идниот период не планира премногу да излегува со цел да ги избегне папараците што се обидуваат да направат фотографии со неа.
Таа накратко се наврати на нејзините претходни бремености и откри што е она што ѝ било најтешко.
„Тешко ми е затоа што кога бев бремена имав перинатална депресија... Тогаш жените воопшто не говореа за тоа.
Некои луѓе сметаа дека е опасно ако жена постојано се жали со бебе во неа. Но, сега жените говорат за тоа постојано.
Фала му на бога што не треба таа болка да ја чуваме во најголема тајност. Овојпат ќе вежбам јога секој ден и ќе ширам само радост и љубов“ – порача таа.
Инаку Бритни и Сем се речиси 6 години заедно, а во септември минатата година, набрзо откако пејачката се ослободи од легалното старателство на нејзиниот татко Џејми Спирс, Сем ја запроси со дијамантски прстен во нивниот дом во Калифорнија.
За време на своето сведошење против нејзиниот татко Бритни изнесе повеќе шокантни информации меѓу кои и дека постојано била чувана под лекови од страна на нејзините старатели, била однесена во институции против нејзина волја, а старателите не ѝ дозволувале да стапи во брак со нејзиното момче и да има уште деца.
Прочитајте и Експлицитни кадри, роденден на свршеникот: Бритни Спирс на егзотичен одмор (18+)
Б. С. Б. | Црнобело
Би можело да ве интересира:
Препорачуваме
Најчитани неделава
