Меган Фокс ги покажа совршените нозе, Машин Ган Кели со розови нокти и коса – вдомија маче додека бараат локација за свадбата

Детали

среда, 02 март 2022

Додека се обидуваат да ја најдат совршената локација за свадбата, Машин Ган Кели и Меган Фокс вдомија маче. Во меѓувреме, музичарот се пофали со новата розова боја на косата, а актерката ги покажа совршените нозе и тело во аутфит со слична нијанса.

Меган Фокс го покажа совршеното тело со аутфит што ѝ стои одлично. 35-годишната актерка беше забележана во Лос Анџелес со фустан-сако со пастелна боја.

Комбинацијата ја дополнила со колан и минијатурна чанта, како и сандали.

Иако во последно време сме навикнати постојано да ја гледаме со нејзиниот вереник, овојпат Машин Ган Кели не ѝ правеше друштво.

Парот кој се вери неодамна се подготвува за венчавка, но уште немаат откриено дали одбрале датум. Машин Ган Кели, пак, сподели дека организирањето не им оди по план, најмногу бидејќи не можеле да ја најдат совршената локација.

„Тешко ни е да најдеме локација. Сакам да најдам место што се совпаѓа со мојата артистичка визија“, откри музичарот во шоуто на Џејмс Корден, истакнувајќи дека сакал „готска“ свадба.

Во меѓувреме, Меган Фокс и вереникот открија дека вдомиле маче. Машин Ган Кели сподели и неколку фотки со новото милениче.

Претходно, музичарот се пофали и со новата боја на косата. Препознатливо за него, 31-годишниот Кели си ја офарбал косата розова, а сподели и фотографии на која ноктите му се лакирани со слична нијанса.

Спирова С. | Црнобело