„Сурова е, ќе го остави и Хари како првиот сопруг“ - Братот на Меган Маркл стана учесник на реално шоу и удри со критики по неа

Детали

среда, 09 февруари 2022

Томас Маркл помладиот повторно ја нападна својата сестра Меган Маркл изјавувајќи дека била сурова кон нејзиниот прв сопруг, како и дека најверојатно ќе го остави и Хари.

Сите многу добро знаат дека Меган Марк не е во најдобар однос со нејзиното семејство, а најновите критики од нејзиниот полубрат уште еднаш го потврдуваат тоа.

Сопругата на принцот Хари редовно добива критики од нејзиниот татко, како и нејзините полубрат и полусестра, кои неретко ја опишуваат како себична и ужасна личност.

Нејзиниот полубрат Томас дури му напиша и писмо на Хари пред кралската венчавка во 2018-та, во кое го молеше принцот да не се венча со Меган.

Иако минатата година Томас јавно се извини истакнувајќи дека ги напишал лошите зборови бидејќи бил повреден и не се чувствувал добро, сега повторно ја нападна неговата полусестра.

Томас Маркл е дел од реалното шоу Big Brother VIP во Австралија и токму овде ја „оцрни“ Меган опишувајќи ја како многу сурова личност.

Тој вели дека парите што ги има сега драстично ја промениле.

„Тоа ми е најчудно – што се случи со неа? Никој не може да сфати. Изгледа парите ја променија и славата ѝ удри во глава“.

55-годишниот Томас откри и детали за првиот брак на Меган со филмскиот продуцент Тревор Енгелсон.

„Тревор се грижеше за неа, ја обожаваше, а таа го повреди и го остави. И тоа многу брзо. Откако се разделија, му го врати прстенот по пошта. Зарем тоа не е сурово?“

Томас вели и дека не знае како Меган и Хари завршиле заедно, но дека е сигурен дека принцот ќе го снајде истата судбина како првиот сопруг на војвотката.

„Хари е следниот. Пред свадбата тој се смееше на сите фотографии. Сега нема насмевка на ниту една“.

Томас вели и дека е убеден дека Меган станала дел од кралското семејство само затоа што нејзиниот татко – Томас Маркл (постариот) ѝ помогнал и платил за нејзиното образование.

Спирова С. | Црнобело