Иванка Трамп без грам шминка со децата – ретко појавување во јавност среде скандалите со нејзиниот татко (фото)

Детали

среда, 02 февруари 2022

Периодов Иванка Трамп се држи понастрана од јавноста поради политичките скандали на нејзиниот татко, но периодов беше забележана пред нејзиниот дом, и тоа во нетипично издание за неа – во лежерна облека, без грам шминка.

Иванка Трамп се појави без грам шминка пред нејзиниот луксузен стан во Мајами, додека ги испраќаше нејзините деца на училиште.

Иако Иванка е јавна личност, периодов како да се крие поради политичките скандали поврзани со нејзиниот татко.

Бидејќи постојат сомнежи дека татко ѝ Доналд Трамп имал удел во упадот во Капитол во Вашингтон, се очекува и Иванка да сведочи, па веројатно поради целата драма се држи понастрана од јавноста.

40-годишната мајка дури направи и пауза на Инстаграм, па околу осум месеци немаше ниту една објава.

Иванка има три деца со сопругот Џаред Кушнер кој не беше со нив. Иако сме навикнати да ја гледаме Иванка во совршено издание, овојпат носеше лежерна облека и немаше шминка.

Децата на Иванка одат во еврејско училиште, а едното од нив, 5-годишниот Тео, носеше и еврејско капче.

Постариот син Џозеф не беше забележан со нив.

Нормално, целото семејство беше опкружено со телохранители кои внимаваа на нив.

Кон крајот на минатиот месец, Иванка и децата, а овојпат и сопругот, беа забележани како го напуштаат домот со куфери, па се претпоставува дека биле на одмор.

Прочитајте повеќе: Неговите родители не ја прифаќале, сега се 12 години во брак – Иванка Трамп во бикини се бакнува со сопругот

Како што напоменавме, Иванка се држи понастрана од јавноста додека трае истрагата на нејзиниот татко и одбива да дава какви било коментари. Речиси цела година таа и семејството се во Мајами, а неодамна таа започна и добротворна акција за донирање храна.

Токму оваа кампања беше причина да ја прекине 8-месечната пауза на Инстаграм – Иванка се пофали за донацијата со неколку фотки.

Спирова С. | Црнобело