Памела Андерсон се разведува и од 5-иот сопруг, кој ја остави партнерката и трите деца за да се ожени со неа

Детали

петок, 21 јануари 2022

„Беше добар за да смени сијалица по дома, ама не можеше да ги задоволи другите потреби“ – велат извори блиски до Памела Андерсон, откако медиумите објавија дека по една година брак, актерката се разведува по петти пат.

Откако претходно велеше дека конечно го нашла „вистинскиот“ актерката Памела Андерсон (54) се разведува по петти пат.

Таа стави крај на бракот со нејзиниот телохранител Ден Хејхарст, за кого се верува дека е околу 10 години помлад од неа, а со кого таа стапи во брак на Божиќ во 2020-тата година.

Актерката која се прослави со улогата во серијата „Чувари на плажата“ поднесе документи за развод во Канада, каде што живееше заедно со Ден.

Слично како и претходните врски на актерката и оваа последната беше проследена со драма.

Непосредно по венчавката поранешната партнерка на Ден, Кери, излезе со обвинувања дека Памела им го растурила семејството:

„Сакав јавно да проговорам затоа што сакам луѓето да знаат дека мојата речиси петгодишна врска, во која добивме три деца, заврши затоа што Пам и Ден почнаа афера додека тој сè уште беше со мене.

Тажно е што луѓето ги слават и им честитаат, кога тие ја почнаа врската со измама, лаги и ги повредија луѓето околу нив“ – рече тогаш поранешната партнерка на Ден.

По ваквите нејзини изјави Памела и Ден дадоа изјава од нивниот кревет:

„Ова е волшебно место за живот. Тој работеше овде и јас останав тука за време на пандемијата и останавме заглавени заедно и сè уште сме заглавени заедно.

Тој е таков човек каков што најверојатно ќе сретнев ако останев дома и не шетав низ светот. Мислам си дојдов дома целосна.

Убаво е да бидеш со вистински маж што знае да смени сијалица по дома“ – изјави тогаш Памела.

Сега, една година подоцна, нештата очигледно не се исти како на почетокот на нивната врска, па светските медиуми, повикувајќи се на извори блиски до актерката пишуваат дека парот се разведува затоа што Ден бил мошне „нељубезен“, не ја поддржувал и бил „кретен“.

Ден и Памела во моментов не се во пријателски односи, а во последен период наводно доста се расправале, што ја натерало актерката да поднесе документи за развод.

„Таа рече дека е добро да се биде со нормален маж што знае да смени сијалица, но на крај, иако тоа беше добро, тој не можеше да ги исполни нејзините други потреби“ – велат изворите за Page Six.

Андерсон претходно беше во брак со тапанарот Томи Ли, со кого објави и секс-снимка, и со кого има два сина (Брендон 25 и Дилан 24), потоа со рокерот Кид Рок (2006), со продуцентот Рик Салмов (двапати во 2007 и 2014).

Во 2020-та година се омажи за Јон Петерс и со него се разведе само по 12 дена.

Прочитајте и Токсичната врска на Памела Андерсон и Томи Ли овековечена во серија – се венчале по 4 дена познанство

Б. С. Б. | Црнобело