„Конечно сум со маж кој вистински ме сака“ – Памела Андерсон се венчаше тајно со телохранителот (фото)

Детали

четврток, 28 јануари 2021

Памела Андерсон се венчаше по петти пат, со нејзиниот телохранител Ден Хејхарст, а според изворите, тие се вљубиле за време на карантинот.

Според светските медиуми, 53-годишната Памела Андерсон уште еднаш стапи во брак, откако се вљубила во својот телохранител за време на карантинот. Тие направиле мала, интимна венчавка, во нејзиниот дом во Канада, и тоа на католичкиот Божиќ.

„Сега сум точно таму каде што треба да бидам – во рацете на маж кој навистина ме сака“, изјави Памела за нејзината нова љубов.

За венчавката, Памела одбрала елегантна венчаница со светлосина боја и детали со беж боја, а интересно е што на нозете носела гумени чизми бидејќи, како што вели самата, морале да стојат во кал додека траела церемонијата.

„Вљубена сум. Се венчаваме на Божиќ со благословот на двете наши семејства, и сите кои ги знаеме се среќни за нас. Венчавката ја одржавме на имотот што го купив од моите баба и дедо пред 25 години. Ова е местото каде што се венчаа и моите родители, а тие се заедно до денес“.

Поради пандемијата, Памела и Ден не биле во можност да направат голема венчавка, но ѕвездата вели дека и на двајцата повеќе им годело тоа што се сами. На венчавката немало ниту еден гостин, а ова била нивна заедничка одлука.

Памела го запознала Ден на почетокот од пандемијата, пред околу една година, и оттогаш биле неразделни. Таа вели дека ова е можеби најубавата година од нејзиниот живот, и уште веднаш знаела дека Ден е вистинскиот.

Според извори блиски на парот, тие се совршени заедно и одлично се сложуваат.

Памела е познат активист за правата на животните, а според нивните пријатели, Ден многу ја поддржува во ова.

„Памела и Ден прават прекрасни работи заедно. Тој ѝ помага да изгради засолниште за животни. Истовремено, ѝ помагаат на нивната заедница и бараат начин како да им помогнат на децата од земјите во развој. Тие имаат огромни срца. Ден се венчаше со девојката од неговите соништа и е многу горд на нејзините достигнувања“.

Засега малку е познато за новиот сопруг на Памела, но наводно тој е телохранител во неговите 40-ти, а Памела била првата славна личност за којашто работел. Некои извори тврдат дека токму тоа е една од причините што почнал да ѝ се допаѓа.

Венчавката со Ден е петта за Памела, но со четири различни мажи. Претходно таа беше во брак со Томи Ли, со кого ги има синовите Брендон и Дилан. Подоцна таа се венчаше во Кид Рок, а третиот пат со Рик Соломон. Откако се раздели со Рик во 2007-а, парот му даде уште една шанса на бракот и повторно се венчаа во 2013-та, но се разделија.

Памела на денот на нејзината венчавката:

• 
• 
• 
• 
• 
• 
• 
• 
• 
•  

Спирова С. | Црнобело