Мадона видно остарена без Фотошоп, Том Круз со сменет личен опис – што им прават фил(т)ерите на славните? (фото)

Детали

вторник, 12 октомври 2021

Мадона (63) изгледа многу поразлично без Фотошоп и бројните филтри на Инстаграм, а Том Круз (59) драстично си го променил изгледот по обидот да ги скрие годините со филери, па веднаш се најде на мета на шеги и критики.

Разубавувањето со филери, но и со Инстаграм филтри и Фотошоп е популарно кај многумина, но некогаш, особено славните, знаат да претераат. Одличен пример за ова се Том Круз и Мадона.

Со нејзините 63 години, Мадона изгледа навистина добро, но факт е дека зад фотографиите што ги објавува на Инстаграм се „крие“ многу Фотошоп и секакви Инстаграм филтри. 

Кога ќе ги погледнете нејзините објави, дефинитивно не би ја погодиле возраста на пејачката, но сега имавме можност да погледнеме како навистина изгледа нејзиното лице.

Мадона беше фотографирана во Њујорк додека водеше хор низ улиците на градот со кој го пееше нејзиниот хит Like A Prayer.

На папарацо фотките станува јасно дека Мадона е далеку од нереалната слика за себе што ја прикажува на Инстаграм.

Мадона и самата сподели фотки од настанот, а разликата помеѓу нејзината фотка и папарацо фотките е повеќе од очигледна:

Изгледа годините почнале да претставуваат проблеми и за Том Круз, кој според најновите папарацо фотки, изгледа како да направил некаква корекција на лицето.

59-годишниот актер беше на бејзбол натпревар со неговиот син, а најмногу внимание привлече драстичната промена на неговото лице.

Актерот, за кого многумина ќе се согласат дека изгледа мошне добро за своја возраст, сега изгледаше непрепознатливо. На неговото лице речиси и да немаше брчки и изгледа како да качил некој килограм повеќе.

Бидејќи, како што нагласуваат фановите, актерот уште работи на новото продолжение од Mission Impossible и мора да е во топ-форма, може да станува збор за промени за потреба на улогата.

На Твитер почнаа да се споделуваат и шеги на негова сметка:

„Том Круз не старее, туку оди на ужасни третмани што му го дуваат лицето како на жаба“.

„Дали сум само јас кој мисли дека ова не е Том Круз, туку само некој тип кој наликува на него?“

„Сега Том Круз изгледа како тетка ми“.

За споредба, како изгледаше актерот пред само некој месец за време на снимањето на новото продолжение на Mission Impossible:

Спирова С. | Црнобело