Мајката на Џеј Ло е лошо друштво за Бен Афлек? Не само што се коцкаат заедно, туку и снимија реклама за казино

Детали

вторник, 31 август 2021

Бен Афлек и мајката на Џеј Ло докажаа дека се многу добри пријатели - снимија реклама во казино во Лас Вегас. Во меѓувреме, извори блиски до парот тврдат дека и актерот и пејачката сериозно размислуваат за венчавка. Наводно, тие не сакале овојпат да ја испуштат можноста да се заколнат на вечна љубов.

Добро познат факт е дека Бен Афлек сака да се коцка, а сега својата љубов кон казината ја покажа и во реклама. Покрај актерот, во реклама се појавува и мајката на Џеј Ло – Гвадалупе Лопез.

Рекламата е снимена во казиното Wynn во Лас Вегас, а уште додека траеше снимањето, папараците ги уловија Бен Афлек и мајката на Џеј Ло како се забавуваат внатре.

Покрај нив, во рекламата се појавува и познатиот кошаркар Шекил О'нил.

Имено, актерот е редовен посетител на ова казино и пред некој месец беше забележан внатре во 3 часот наутро. Пред околу седум години, пак, актерот доби забрана за влез во казино во Лас Вегас бидејќи го фатиле како брои карти во партија блекџек.

Во 2014-та актерот самиот ја призна вината, откривајќи дека обезбедувањето го избркало со зборовите „Играш премногу добро“. Актерот додава и дека повеќе казина не му дозволувале да игра блекџек не затоа што мамел, туку затоа што станал навистина добар во играта.

Во меѓувреме, Бен Афлек ја обнови романсата со Џеј Ло, а по сè изгледа нештата стануваат многу сериозни. Парот речиси и да се нема разделено цело лето, беа на неколку заеднички патувања, а и Бен направи соработка со мајката на Џеј Ло.

Според некои извори, парот сериозно размислува и на тоа да стапи во брак.

„Сериозно зборуваат за венчавка. Лудо се вљубени еден во друг и овојпат не сакаат да се изгубат“.

Наводно, Бен бил сигурен дека Џеј Ло е неговата сродна душа и сега не сакал да направи грешка како порано и да се раздели од неа.

Прочитајте повеќе:  Мајка ѝ е коцкар, татко ѝ е скиентолог: 12 мрачни тајни за животот на Џенифер Лопез

Спирова С. | Црнобело