Како е да се работи за Том Круз? Поранешни вработени откриваат колку тежок карактер има актерот

Фризерите смеат да му ја допрат косата само во приватност

За време на една епизода на The Project една фризерка и шминкерка се присети дека еднаш работела на сетот за филмот The Mummy каде требало да работи на косата на Том Круз. Еден ден, пред снимањето на една од сцените таа застанала да поправи еден прамен од косата на Круз, по што неговиот асистент веднаш ѝ рекол да се оддалечи од актерот.

Наводно, Круз не сака кога некој го допира по косата. Доколку неговата коса треба да се поправи, од било која причина, тоа може да се направи само во приватност.

Скиентолошката црква не можете да ја напуштите

Синар Парман бил главен готвач за време на свадбата на Том Круз и Никол Кидман во 1990-тата година. Парман бил член на скиентолошката заедница, а неговата поранешна сопруга Шели Волф била личен асистент на Дејвид Мискавиџ, главниот човек на скиентолошката црква и кум на свадбата на Том Круз.

Парман вели дека финално одлучил да ја напушти црквата кога не му било платено за тоа што работел за време на свадбата на познатиот актер.

Парман и Волф со години се обидувале да ја напуштат скиентолошката црква и за време на едно од овие бегства биле пронајдени од обезбедувањето на црквата, во домот на нивен подалечен роднина, а нивниот багаж бил претресен за да не содржи фотографии и други доверливи докази од свадбата на Круз. За среќа ништо не било најдено.

Дејвид Мискавиџ му е идол

Уште еден од поранешните вработени на Том Круз кој говорел за посветеноста на актерот кон скиентолошката црква е Џон Брoсо. Брoсо е зет на Мискавиџ, а работел како хигиеничар во куќата на Том Круз за време на неговиот брак со Кејти Холмс. Му било речено дека во куќата сè треба да биде беспрекорно чисто, но тој „да биде невидлив“.

Брoсо во една прилика говореше за поврзаноста на Круз со Мискавиџ и дека актерот практично го „возвишува“ лидерот, исто како што ја возвишува и Црквата.

Во целост е посветен на здравјето и на изгледот

Сте се запрашале ли зошто на сите филмови Том Круз изгледа одлично, иако во моментов има 59 години?

Се знае дека тој соработува со некои од најдобрите тренери во светот, а за него готват некои од најпознатите готвачи. Освен тоа, Том се придржува до стриктна диета и план за вежбање.

Во еден период за него готвела и Џенифер Петиџон која за медиумите изјавила дека за него морала да подготвува оброци само со органска и свежа храна.

Б. С. Б. | Црнобело