Не знае да го држи бебето, пие вино додека дои – секој пат кога мајчинството на Ратајковски беше мета на критики
Намерно позира и претставува лажна слика
По коментарите дека го држи бебето неправилно и откако дури и британскиот ТВ водител Пирс Морган ја обвини дека таа промовира лош пример за сите идни мајки што би ги држеле нивните бебиња на истиот начин, Емили Ратајковски ги исклучи коментарите на Инстаграм и се обиде да објави серија фотографии на кои позира правилно и на кои го држи детето правилно.
Повторно критичарите не престанаа – овојпат беше обвинета дека намерно позира за да докаже дека неправилно била обвинета во претходните фотографии.
Го користи бебето како моден додаток
Некои луѓе би ја виделе оваа фотографија и би рекле дека на неа мајката го држи сопственото дете, но дел од следбениците повторно се почувствуваа должни да прокоментираат за тоа како таа го користи детето како аксесоар на плажа, за да го нагласи сопственото неодоливо тело и за да покаже дека може да носи бикини и со мало бебе.
Поставува нереалистична слика за телото
Емили имаше среќа веднаш да се врати во форма по породувањето и веднаш да се врати на работа како модел без никакви лузни, стрии или истегната кожа. Како воопшто и да не родила.
Се чинеше дека се чувствува добро, но за следбениците на Инстаграм тоа беше причина повторно да ја критикуваат.
Овојпат, Емили беше обвинета дека поставува нереалистична слика за телото, со изговор дека тоа не е добро за другите мајки што не се во можност да ослабат и се чувствуваат под постојан притисок да го вратат телото во „топ форма“.
Пие вино додека дои
Покрај фотките од доење, Емили објави и неколку фотки со чаша вино во рака. Нормално, по ова следеа критики затоа што пие алкохол додека го дои синот и секако повторно следеа коментарите дека таа е „лоша мајка“ што не е во можност да го одгледа сопственото дете.
На ниту една од фотографиите не можеме да ја видиме Емили како пие, што можеби укажува на фактот дека само позирала за фотографиите, но сепак, следбениците веднаш побрзаа да ја осудат и да ги искажат своите негативни ставови.
Се чини дека што и да направи Емили, наидува на критики. Дури и кога се обидува да се поправи и да ги смири критички настроените следбеници на социјалните мрежи, тие како само да чекаат да направи еден неправилен чекор за да ја оцрнат.
Што мислите вие?
Б. С. Б. | Црнобело
Би можело да ве интересира:
Препорачуваме
Најчитани неделава
