„2020-та беше луда, морав да разгледам засолништа“ – Ким и Клои тестираат луксузен бункер за преживување

Детали

петок, 09 април 2021

Ким Кардашијан и нејзината сестра Клои испробаа специјален бункер за преживување во последната епизода на нивното реално шоу Keeping Up With The Kardashians, за да видат дали би можеле да живеат така во најлошото можно сценарио.

Бункерот не го бараат за да се скријат од последните случувања и скандалот со нефотошопираната фотка, туку поради стравот од случувањата во изминатата „луда“ 2020-та година.

Ким (40) во минатата епизода се чуствуваше мошне вознемирено откако нејзиниот пријател Џонатан Чебан (47) ѝ се јави да ѝ каже дека му бил украден часовник вреден 250.000 долари под закана со пиштол.

Овие случувања ја присетија Ким на нејзината траума од 2016-тата година, кога имаше непријатна случка во Париз, а и беше украден накит вреден 10 милиони долари.

Освен тоа, таа сакаше да види кои се опциите за нејзиното семејство за живот во бункер доколку ситуацијата се влоши, како што се претпоставуваше дека може да се случи за време на избувнувањето на пандемијата во 2020-тата година.

„2020 беше навистина луда година и поминавме низ сè и сешто, па јас како јас, морав да погледнам некој вид на засолништа за преживување и да видам кои ни се опциите“, рече Ким.

Бункерот што сестрите имаа можност да го погледнат се опишува како нешто за што „најголемиот дел од луѓето би убиле за да го имаат“.

Тој наликува на сè, но не и на типичен бункер: внатре има стилски уредени кревети, шик маса со компјутер, компактна кујна и дневен простор.

Тие ги испробаа креветите, се обидоа да спијат, да јадат од храната, да вежбаат... Целта беше да видат дали би можеле да живеат во такви околности.

По неколкучасовното тестирање на бункерот, сепак сестрите одлучија дека не би сакале така да ги поминат последните денови од животот.

Инаку, како што претходно беше најавено, оваа 20-та сезона ќе биде последната од реалното шоу што го освои светот, но нема простор за паника кај фановите, затоа што кланот Кардашијан-Џенер веќе потпиша договор со телевизијата Hulu и се очекува по ова да се снима сосема ново реално шоу, што значи дека и понатаму ќе има можност на екраните да се следат нивните животи.

Б. С. Б. | Црнобело