Морничавата опсесија на Ким Кардашијан – купува облека и накит од починати славни личности

Детали

сабота, 09 ноември 2024

Шешир на Мајкл Џексон, часовник на Џеки Кенеди, накит на Елизабет Тејлор – Ким Кардашијан е опседната со купување облека и накит кои им припаѓале на ѕвезди кои се починати.

Неодамна, Ким Кардашијан по којзнае кој пат предизвика лавина негативни реакции, откако на настан се појави со ланче кое ѝ припаѓаше на принцезата Дијана.

Ланчето има огромен медалјон во форма на крст, додека на синџирчето има бисери.

Она што не ѝ се допадна на јавноста е како Ким го комбинирала скапоцениот накит.

На гала свеченост, таа носеше фустан со длабоко деколте, а крстот ѝ беше сместен меѓу грдите.

Многумина го опишаа изгледот како вулгарен, невкусен и непочитување кон покојната принцеза Дијана.

Ким го купила ланчето во 2023-та, на аукција, за околу 200.000 долари.

А, ова не е првпат Ким да купи накит или парче облека што припаѓало на ѕвезда која е мртва.

Дури и самата има изјавено дека била опседната со аукции и сакала да поседува накит и облека кои оставиле белег во забавната индустрија.

Па, што сè има купено (или позајмено) Ким, како дел од своето морничаво хоби?

Фустанот на Мерилин Монро

Ким само го позајми легендарниот фустан на Мерилин Монро и тој уште се наоѓа во музејот на Ripley’s Believe It or Not, но вреди да се спомне.

Ким го носеше фустанот на Мет галата во 2022 година, а откри дека ослабела околу осум килограми за да може да го облече.

Јавноста негодуваше за тоа што ријалити ѕвездата добила дозвола да носи фустан кој има големо значење и музејска вредност за модниот свет во САД.

Јакна на Мајкл Џексон

Во 2019 година, Ким откри дека на ќерка ѝ Норт, за Божиќ ѝ купила јакна која ја носел Мајкл Џексон.

Ја купила на аукција, по цена од 65.000 долари.

„Ѝ ја подарив јакната што Мајкл ја носеше со Елизабет Тејлор.

Норт е огромен фан на Мајкл Џексон. Многу е возбудена и благодарна за подарокот“.

Продолжува на следната страница...