Ким Кардашијан поднесе барање за развод од Канје Вест после 7 години брак

Детали

сабота, 20 февруари 2021

После седум години брак и гласини кои траат со месеци, Ким Кардашијан поднесе барање за развод од Канје Вест. Таа побарала заедничко старателство за нивните четири деца, а изворите велат дека веќе разговарале за поделба на имотот и ќе го почитуваат предбрачниот договор.

Според изворите, 40-годишната ријалити ѕвезда ги поднела документите во петокот, со помош на нејзиниот адвокат, и побарала заедничко старателство за нивните четири деца Норт, Сејнт, Чикаго и Псалм. Ким и Канје ќе го почитуваат и нивниот предбрачен договор и се согласувале во врска со поделбата на заедничкиот имот.

фото: Daily Mail

фото: Daily Mail

фото: Daily Mail

Ким и 43-годишниот рапер речиси и да немаат контакт од октомври, после жестока расправија на 40-тиот роденден на ријалити ѕвездата. Наводно, ситуацијата се влошила кон јули, кога Канје одлучи да се кандидира за претседател на САД. Тој период, покрај другите испади, Канје изјави дека Ким сакала да ја абортира Норт, а нормално, ријалити ѕвездата не му го прости ова.

Изворите велат дека иако односот меѓу нив е заладен, и двајцата се однесуваат разумно во врска со разводот и сакаат да помине што е можно помирно.

„Ким е со нејзиното семејство. Добра е. Тажна е, но подготвена е да продолжи понатаму. Таа смета дека направи сè во нејзина моќ за да го спаси бракот. Барањето за развод е нешто за коешто размислува одамна. Истовремено, таа се плашеше од ова. Навистина направи буквално сè обидувајќи се да го избегне барањето за развод“, споделува извор близок до парот.

Ким и Канје ја почнаа романтичната врска во 2012-та, се верија следната година, а во мај 2014-та ја направија венчавката во Италија. Дотогаш, веќе ја имаа добиено најстарата ќерка Норт.

За Ким ова ќе биде трет развод, после разделбата со Дејмон Томас и Крис Хамфрис.

Изворите велат дека на Канје му одговара заедничкото старателство, а парот веќе дискутирал за ова, но не му се допаѓало што разводот ќе биде тема на разговор во последната епизода од ријалити шоуто на Кардашијанс.

Спирова С. | Црнобело